web counter
LEXO PA REKLAMA!

SHKARKO APP

App Store
Google Play

E fundit!

x

Intervista e Vjosa Osmanit për "CNN": Serbia nuk mund të ecë në dy drejtime, të zgjedhë ose Moskën ose BE-në

1 Korrik 2022, 21:07, Kosova & Bota CNA
Intervista e Vjosa Osmanit për "CNN": Serbia nuk mund të
Presidentja Vjosa Osmani

Në një intervistë të shkurtër dhënë për “CNN International”, Presidentja Vjosa Osmani ka folur për aspiratat e Kosovës që të aplikojë për statusin e kandidatit për anëtarësim në Bashkimin Europian.

Ajo ka thënë se Kosova asnjëherë nuk ka shikuar të gjejë rrugë tjetër, pos asaj Euroatlantike.
Osmani ka folur edhe për pikëpamjet se Serbia po ecën në rrugën drejt Bashkimit Europian, duke thënë se nuk beson në diçka të tillë.

“Serbia provon të ecën edhe rrugës së Moskës edhe rrugës së Europës. S’mund të ecësh në të dyja rrugët, të të njëjtën kohë”.

Për kërkesën që Kosova të bëhet anëtare e NATO-s, Presidentja Osmani ka thënë se pas sulmit ushtarak të Rusisë ndaj Ukrainës, “çdokush” e ka kuptuar se të jesh në NATO, do të thotë të jesh i sigurt.

“Të jesh në NATO do të thotë të jesh i sigurt. Kështu që, praktikisht, arsyeja kryesore pse populli i Kosovës dhe vizioni ynë si krerë të institucioneve të Kosovës është që të bëhemi anëtar i NATO-s, është për shkak të sigurisë dhe mbrojtjes. Por, edhe se ne nuk e shohim NATO-n vetëm si një makineri ushtarake, por si një sistem bazë të vlerave”, ka thënë Osmani./CNA.al





Lajmet e fundit nga