web counter
LEXO PA REKLAMA!

SHKARKO APP

App Store
Google Play

E fundit!

x

Hartimi i traktatit të anëtarësimit në BE/ Costa dhe Kos urojnë Malin e Zi

22 Prill 2026, 22:44, Kosova & Bota CNA

Hartimi i traktatit të anëtarësimit në BE/ Costa dhe Kos

Presidenti i Këshillit Evropian, Antonio Costa, ka përgëzuar Malin e Zi për hapin e fundit në rrugën drejt Bashkimit Evropian. Në një reagim publik, Costa e cilësoi vendimin për krijimin e grupit të punës për marrëveshjen e anëtarësimit si një moment kyç për procesin e zgjerimit.

“Urime Malit të Zi, kemi bërë një hap të madh drejt anëtarësimit tuaj në Bashkimin Evropian. Vendimi për të krijuar Grupin e Punës për hartimin e Marrëveshjes së re të Anëtarësimit është një moment kyç. Për herë të parë që nga viti 2014, BE nis matjen e kohës për zgjerimin e radhës”, është shprehur Costa.

Edhe komisionerja për Zgjerim e Bashkimit Evropian, Marta Kos, në një postim në rrjetin social “X” u shpreh se Mali i Zi është shumë afër anëtarësimit në Bashkimin Evropian. Kos shprehet se fillimi i hartimit të Traktatit të Pranimit të Malit të Zi në BE, është një njohje e progresit dhe një inkurajim për të përshpejtuar reformat.

“Vendi i Malit të Zi brenda BE-së tani po merr formë. Sot, Shtetet Anëtare vendosën të fillojnë hartimin e Traktatit të Pranimit të Malit të Zi në BE. Ky është një hap i madh në rrugën drejt anëtarësimit në BE, një njohje e qartë e progresit të Malit të Zi dhe një inkurajim për të përshpejtuar reformat. Gjithashtu ofron një shans për të nxjerrë mësime nga zgjerimet e kaluara dhe për të përfshirë mbrojtje të reja dhe më të forta në traktatet e ardhshme të pranimit për të parandaluar kthimin prapa në sundimin e ligjit dhe vlerat themelore”, ka shkruar ajo.

Reagimi i tij vjen pas vendimit të ambasadorëve të vendeve anëtare të BE-së për të miratuar ngritjen e një grupi pune që do të përgatisë traktatin e anëtarësimit të Malit të Zi. Ky hap shihet si një zhvillim i rëndësishëm që e afron edhe më shumë Podgoricën me anëtarësimin e plotë në Bashkimin Evropian. /CNA





Lajmet e fundit nga