web counter
LEXO PA REKLAMA!

SHKARKO APP

App Store
Google Play

Avokati i Thaçit e konfirmon/ Ja kur do të jepet vendimi përfundimtar për ish-krerët e UÇK-së

5 Maj 2026, 22:38, Kosova & Bota CNA

Avokati i Thaçit e konfirmon/ Ja kur do të jepet vendimi

Vendimi përfundimtar për procesin gjyqësor e ish-presidentit të Kosovës, Hashim Thaçi dhe ish-liderëve të tjerë të UÇK-së Kadri Veseli, Jakup Krasniqi e Rexhep Selimi, është shtyrë për në datën 20 korrik. Lajmi është konfirmuar për mediat në Kosovë, nga avokati i Thaçit, Luka Mishetiç.

“Mund ta konfirmoj se kjo është e saktë”, ka deklaruar Mishetiç kur është pyetur nëse raportimi për shtyrjen e vendimit për 20 korrik është i saktë apo jo.

Vendimi përfundimtar fillimisht pritej të jepej më 19 maj, brenda afateve procedurale të përcaktuara. Megjithatë, sipas Rregullores së Gjykatës Speciale, trupi gjykues ka në dispozicion 90 ditë për shpalljen e verdiktit, me mundësi shtyrjeje deri në 60 ditë shtesë.

Hashim Thaçi, Kadri Veseli, Jakup Krasniqi e Rexhep Selimi akuzohen për krime lufte dhe krime kundër njerëzimit, për të cilat të katërtit janë deklaruar të pafajshëm. Prokuroria ka kërkuar që ata të shpallen fajtorë dhe të dënohen me nga 45 vjet burgim secili, por ekipet mbrojtëse kanë argumentuar se nuk ka prova për krimet e pretenduara dhe kanë kërkuar lirimin e tyre. /CNA





Lajmet e fundit nga