web counter
LEXO PA REKLAMA!

SHKARKO APP

App Store
Google Play

E fundit!

x

Anulim i zgjedhjeve në Rumani/ Potesta kundër heqjes së fitores së kandidatit pro-rus

10 Janar 2025, 19:45, Kosova & Bota CNA

Anulim i zgjedhjeve në Rumani/ Potesta kundër heqjes së fitores

Mijëra mbështetës të kandidatit të krahut të djathtë, C?lin Georgescu, kanë protestuar në rrugët e Rumanisë kundër anulimit të zgjedhjeve presidenciale në vend.

Rumania po përballet me trazira zgjedhore pasi raundi i parë i zgjedhjeve u anulua për shkak të raporteve mbi ndërhyrje ruse. Sipas mediave të huaja, protestuesit jashtë Gjykatës Kushtetuese në Bukuresht, kërkojnë gjithashtu dorëheqjen e presidentit aktual Klaus Iohannis.

Georgescu fitoi raundin e parë të zgjedhjeve presidenciale në fund të nëntorit, por Gjykata Kushtetuese shpalli rezultatin të pavlefshëm në fillim të dhjetorit, pasi konstatoi se votuesit ishin manipuluar përmes një trajtimi të paligjshëm preferencial të një kandidati në mediat sociale.

Zgjedhjet e reja janë të planifikuara për më 4 maj, me një balotazh të mundshëm më 18 maj.

Georgescu gjithashtu ka paraqitur një ankesë në Gjykatën Evropiane të të Drejtave të Njeriut në Strasburg për anulimin e zgjedhjeve, ndërsa përpjekjet për të ndjekur rrugën ligjore në Rumanisë kanë rezultuar të pasuksesshme, megjithatë, një apel në Gjykatën e Lartë mbetet një mundësi e hapur.





Lajmet e fundit nga