web counter
LEXO PA REKLAMA!

SHKARKO APP

App Store
Google Play

Nga Shkodra në Gjirokastër e Fushë Krujë/ Banesa të izoluara, rrugë të bllokuara dhe mijëra hektarë nën ujë

2022-11-21 08:29:00, Sociale CNA

Nga Shkodra në Gjirokastër e Fushë Krujë/ Banesa të

Moti i keq ka përfshirë Shqipërinë dhe Shkodra është një ndër qarqet më problematike.

Sipas Euronews,  hyrja e qytetit të Shkodrës është e bllokuar.

E vetmja mënyrë për të hyrë qytet është nëpërmjet rrugës së vjetër nga njësia administrative e Gurit të Zi.

Reshjet e pandërprera të shiut kanë dëmtuar këmbët e urës së vjetër të Bahçallakët si edhe bazamentin e urës së re.

Për arsye sigurie, qarkullimi në urën e re është ndaluar përkohësisht.

Edhe në Lezhë raportohet se 1500 hektarë janë nën ujë dhe disa zona kanë probleme me energjinë elektrike.

Moti i keq ka shkaktuar prezencë uji në zonën e Karriqit.  Për pasojë është bllokuar rruga që lidh fshatin Blinisht me superstradën Lezhë-Shkodër.

Probleme nga reshjet e shiut janë krijuar edhe në Fushë Krujë, ku raportohet se lumi Ishëm ka dalë nga shtrati.

Uji ka mbuluar sipërfaqe të mëdha tokash bujqësore kryesisht në fshatin Murqinë dhe Mallkuç ku niveli i ujit nëpër ara shkon në rreth 50 cm.

Aktualisht janë rreth 10 banesa të izoluara nga uji në fshatin Murqinë.

Problematika, sipas Report tv,  janë shfaqur edhe në Gjirokastër ku janë krijuar probleme në aksin nacional Gjirokastër-Tepelenë në vendin e quajtur "Shkalla e Zezë" në Ballaban, në aksin Ballaban-Këlcyrë, në aksin rural Valare-Çajup, në aksin Suhë-Zagorie, në aksin Ura e Kardhiqit-Sarandë afër tunelit të Skërficës, në aksin rural Kolonjë- Golem dhe ne aksin rural Zenelaj-Zhulat./CNA.al





Lajmet e fundit nga