web counter
LEXO PA REKLAMA!

SHKARKO APP

App Store
Google Play

E fundit!

x

Muaji Shkurt nis me diell por me temperatura të ulta/ Parashikimi i motit për sot dhe nesër

2023-02-01 08:19:00, Sociale CNA

Muaji Shkurt nis me diell por me temperatura të ulta/ Parashikimi i motit

Masat ajrore të qëndrueshme por të ftohta do të diktojnë kushtet e motit në vendin tonë, duke bërë që të kemi alternime kthjellimesh dhe vranësirash.

Pritet që kthjellimet të jenë më dukshme në zonat bregdetare dhe në qytetet e zonës së ulët gjatë paradites.

Pasditja dhe mbrëmja do të shfaqë vranësirat në të gjithë vendin, ku më të fokusuara do të jenë në zonat Verilindore dhe Juglindore.

Temperaturat e ulët gjatë mbrëmjes dhe mëngjesit do të sjellin ngrica në disa akse rrugore në zonat Lindore dhe Veriore.

Temperaturat e ajrit do të ulen në mëngjes, por do të rriten në mesditë duke u luhatur nga -4°C deri në 13°C.

Era do të fryjë e lehtë dhe mesatare me shpejtësi 40  km/h nga Verilindor duke sjellë në brigjet detare dallgëzim 3 ballë.

Moti, e enjte, 2 shkurt 2023

Sipas MeteoAlb, vlerat e ulëta barike që dominojnë Ballkanin Perëndimor  do të diktojnë kushtet atmosferike edhe në territorin shqiptar.

Parashikohet që për gjatë gjithë 24 orëshit të jemi në mbizotërimin e vranësirave të shpeshta të cilat herë pas here do të pësojnë zhvillime, duke sjell reshje të pakta shiu në ultësirën perëndimore.

Ndërsa në zonat malore do të ketë rishfaqje të flokëve të dëborës.

Reshjet më të dukshme do të jenë në zonat Veriore dhe Qëndrore, ndërsa Jugu i vendit do të ketë reshje më të pakta.

Temperaturat e ajrit do të rritet lehtë në mëngjes dhe në mesditë duke u luhatur nga -3°C deri në 14°C.

Era do të fryjë e lehtë dhe mesatare me shpejtësi 30 km/h kryesisht nga drejtimi Verior duke sjellë në brigjet detare dallgëzim 2 ballë./CNA.al





Lajmet e fundit nga