web counter
LEXO PA REKLAMA!

SHKARKO APP

App Store
Google Play

Zbulohen në Tiranë dy lokale të përshtatura për lojëra fati/ Në pranga tre persona

2025-12-16 12:58:00, Kronika CNA

Zbulohen në Tiranë dy lokale të përshtatura për

Dy lokale të përshtatura për organizimin e lojërave të fatit janë zbuluar në Tiranë. Si rezultat janë arrestuar 3 persona, pronari, administratori dhe një punonjës.

Ndërkohë janë proceduar penalisht dy shtetas që u kapën në flagrancë, duke vënë baste sportive, njëri prej tyre, i mitur. Në cilësinë e provës materiale u sekuestruan 3 celularë, 3 skedina dhe 3 printerë.

Njoftimi i policisë:

Tiranë/Zbulohen 2 lokale të vëna në dispozicion të organizimit të kundërligjshëm të lojërave të fatit.

Arrestohen 3 shtetas, përkatësisht pronar, administrator dhe punonjës, në këto lokale.

Procedohen penalisht 2 shtetas që u kapën në flagrancë, duke vënë baste sportive (njëri prej tyre, i mitur).

Sekuestrohen 3 celularë, 3 skedina dhe 2 printerë.

Specialistët për Hetimin e Krimeve të Komisariatit të Policisë Nr. 4, në vijim të kontrolleve në lokale dhe subjekte të tjera, me qëllim evidentimin dhe goditjen e rasteve të përshtatjes së tyre për organizim të kundërligjshëm të lojërave të fatit, konstatuan se në 2 lokale, viheshin baste sportive, me celularë.

Për këtë veprimtari u arrestuan pronari dhe punonjësi në lokalin në rrugën “Niko Avrami”, shtetasit B. H., 41 vjeç dhe R. K., 21 vjeç, si dhe administratori i lokalit në rrugën “Faik Kulla”, shtetasi E. G., 26 vjeç.

Gjithashtu, nisi procedimi në gjendje të lirë për 2 shtetas që u kapën duke luajtur në ambientet e lokaleve, konkretisht për një 17-vjeçar dhe për shtetasin M. L., 21 vjeç.

Kontrollet kundër kësaj veprimtarie, vijojnë.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga