web counter
LEXO PA REKLAMA!

SHKARKO APP

App Store
Google Play

I dyshuar për tentativë për vrasje/ Arrestohet pas tre vitesh në kërkim 41-vjeçari në Durrës

2026-06-23 12:20:00, Kronika CNA

I dyshuar për tentativë për vrasje/ Arrestohet pas tre vitesh

Një 41-vjeçar i dyshuar për tentativë për vrasje është vënë në pranga nga policia në Durrës. Në pranga është vënë shtetasi E. H.

Gjykata e Durrësit kishte caktuar ndaj tij në 2023 masën e sigurisë “arrest në burg”, për veprat penale "Vrasja me dashje", mbetur në tentativë dhe "Mbajtja pa leje dhe prodhimi i armëve, armëve shpërthyese dhe i municionit".

Ai ishte shpallur në kërkim pasi dyshohet se më datë 01.06.2023, në Shijak, ka qëlluar me armë zjarri, për motive të dobëta, shtetasin A. Ç.

Njoftimi i policisë:

DVP Durrës

Ekzekutohet masa e sigurisë “Arrest në burg”, për 1 shtetas të dyshuar për tentativë për vrasje.  

Specialistët e Seksionit për Hetimin e Krimeve të Rënda të Drejtorisë Vendore të Policisë Durrës ekzekutuan masën e sigurisë “Arrest në burg”, caktuar nga Gjykata e Shkallës së Parë e Juridiksionit të Përgjithshëm Durrës, me vendimin e datës 08.06.2023, për veprat penale "Vrasja me dashje", mbetur në tentativë dhe "Mbajtja pa leje dhe prodhimi i armëve, armëve shpërthyese dhe i municionit", për shtetasin:

-E. H., 41 vjeç, banues në Shijak.

Ky shtetas ishte shpallur në kërkim pasi dyshohet se më datë 01.06.2023, në Shijak, ka qëlluar me armë zjarri, për motive të dobëta, shtetasin A. Ç.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. /CNA





Lajmet e fundit nga