web counter
LEXO PA REKLAMA!

SHKARKO APP

App Store
Google Play

E fundit!

x

Çudia/ Familja e regjistruar në Kastrat, vajza 4 vjeçe e vetme me adresë banimi në Gruemirë

2023-02-24 21:27:26, Denoncim CNA

Çudia/ Familja e regjistruar në Kastrat, vajza 4 vjeçe e

I martuar dhe me 3 fëmijë minorenë, por vajza e madhe që është 4 vjeç rezulton me adresë tjetër banimi e vetme.

Është ky problemi i qytetarit Lazër Pepushaj nga Njësia Administrative Gruemirë në Malësi të Madhe, i cili është ankuar pranë emisionit Stop në Tv Klan.

Ai thotë se prej 20 vitesh jeton në Gruemirë ku është martuar dhe sot ka 3 vajza të vogla.

Por para 5 javësh, kur i erdhi në jetë fëmija i tretë, kuptoi se adresa dhe njësia e tij nuk ishin aty ku banonte prej 20 vitesh, por në Kastrat, po në Malësi të Madhe.

Në Gruemirë kishte mbetur me adresë vetëm vajza e madhe 4-vjeçare, ndërkohë që ai me bashkëshorten dhe 2 vajzat e vogla ishin në Kastrat.

“Këtu jetojmë prej më shumë se 20 vitesh, kam dalë në kurbet kam shkuar si gjithë shqiptarët, por si adresë si vendbanim e kam në lagjen Grilë, fshati Brakë, njësia bashkiake Gruemirë. Para 5 javësh zbulova që ma kanë regjistruar në adresë ku jetoj. Shkova bëra denoncimin që ju ktheva gjendjes civile te spitali, më tha s’mund ta ndërroj se e ke adresën në sistem. Më kishin kaluar në adresën në njësinë bashkiake Kastrat. Unë me bashkëshorten dhe dy fëmijët e vegjël jemi në Kastrat, fëmija i madh figuron këtu. Unë figuroj në një adresë tjetër në një kohë që s’kam bërë kërkesë kurrë”, denoncon qytetari Lazër Pepushaj.

Në Njësinë Adminstrative Kastrat, punonjësi i Gjendjes Civile, thotë se nuk ka bërë një akt të tillë.

Punonjësi: A je martu atje? Kunorën ku e ke?

Punonjësi: Sistemi ta ka prish, sepse kunora ka shku atje, regjistrimet janë bë atje. Këtu nuk kam asnjë lloj shënimi, që kam bë vetë. Mua më kanë ik prej këtu në Vlorë.  Tash ne s’dimë gjë hiç në këtë problem. Eshtë Urbanistika, është marr hava, se ça kanë bë, s’di gjë, ça kanë përzi.

Gazetarja: 4 banorë të rinj të kanë ardhur në Gjendjen Civile këtu..

Punonjësi: E kam pa, ka ardh me sistem. Me adresën mund të kenë shku në Gjirokastër, mund të kenë lëviz, a kupton?

Gazetarja: Kanë punu me seriozitet, kaq!

Punonjësi: Tash ça me thënë?!

Nga ana tjetër, Briken Hoti, punonjës i Gjendjes Civile në Njësinë Gruemirë, thotë se sistemi gabimisht ka bërë këtë ndarje të familjes, duke çuar Lazrin në adresën e vjehrrit në Kastrat.

Por falë bashkëpunimit të emisionit “Stop” me Gjendjen Civile Gruemirë, u gjet zgjidhja dhe u bashkua familja Pepushaj në këtë njësi, në adresën, ku ata jetojnë, në Njësinë Administrative Gruemirë, duke u bërë ndryshimet përkatëse në portalin qeveritar e-Albania./ tvklan.al





Lajmet e fundit nga