web counter
LEXO PA REKLAMA!

SHKARKO APP

App Store
Google Play

E fundit!

x

U arratis sot nga spitali në Durrës/ Kush është Altin Ndoci, i akuzuar për disa vrasje të bujshme

2026-01-13 14:42:00, Aktualitet CNA

U arratis sot nga spitali në Durrës/ Kush është Altin Ndoci,

I paraburgosuri Altin Ndoci, i cilësuar si një person me rrezikshmëri të lartë shoqërore, është arratisur ditën e sotme në Durrës. Ndoci është arratisur  nga spitali Infektiv i Durrësit, ku ishte dërguar për trajtim shëndetësor.

Sipas raportimeve, ishte një automjet i dyshuar tip “Audi që e priste jashtë spitalit. Mbeten të paqarta rrethanat në të cilat Ndoci është arratisur, ndonëse ishte i shoqëruar me efektivë policie.

Por kush është Altin Ndoci?

Emri i tij rezulton i përfshirë në disa nga vrasjet më të bujshme në vend. Ndoci, i cili ndodhej në paraburgim që nga viti 2020, akuzohet nga Prokuroria e Posaçme për disa vrasje, ndërsa dyshohet si pjesë e grupit të Çopjave.

Nga dëshmia e të penduarit të drejtësisë, Nuredin Dumanit, doli se Ndoci kishte lidhje me vrasjen e dy vëllezërve Besmir dhe Viktor Haxhia në Durrës dhe ekzekutimin e dy personave të tjerë më 2 mars 2020, Dorjan Shkoza dhe Anxhelo Avdia. Ai akuzohet gjithashtu edhe për vrasjen e Andi Zylyfit dhe plagosjen e Ardit Uruçit.

Ndoci akuzohet për veprat penale “Vrasja në rrethana te tjera cilësuese”, ndaj dy ose më shumë personave, e kryer më shumë se një  herë, “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunim të veçantë atë të grupit të strukturuar kriminal, dhe “Grupi i strukturuar kriminal”, (në rolin e pjesëmarrësit) dhe “Kryerja e veprave penale nga grupi i strukturuar kriminal”.

Drejtoria e Përgjithshme e Burgjeve reagoi më herët lidhur me arratisjen, ku tha se Altin Ndoci është larguar nga ambientet e Spitalit të Durrësit, ku ishte shoqëruar për kryerjen e vizitave mjekësore.

Gjithashtu bëhet me dije se strukturat përkatëse janë vënë menjëherë në lëvizje dhe po punohet për lokalizimin dhe kapjen e tij, si dhe për sqarimin e plotë të rrethanave të ngjarjes. /CNA





Lajmet e fundit nga