web counter
LEXO PA REKLAMA!

SHKARKO APP

App Store
Google Play

Shemsi Prençi: Përdorimi i lëndëve kundër protestuesve, shkelje flagrante

2026-04-20 20:56:00, Aktualitet CNA

Shemsi Prençi: Përdorimi i lëndëve kundër

Ish-drejtuesi i Lartë i Policisë së Shtetit, Shemsi Prençi ka folur për protestën e opozitës dhe për përdorimin e lëndëve lotsjellëse gjatë tubimit nga forcat e policisë.

I ftuar në emisionin Noë me Erla Mëhillin, Prençi është shprehur se përdorimi i tyre ndaj personave publikë është i qëllimshëm, pasi në asnjë moment sipas tij nuk ka pasur një akt dhune për të përdorur lëndë të tilla si spraj apo gazlotsjellës.

Prençi tha se përdorja e tyre në protestën e fundit ka qenë shkelje flagrante

“Të gjithë policët duam apo s’duam i njohin personat publikë. Kemi parë goditje drejtpërdrejt ndaj kreut të opozitës, të deputetëve. Është qëllim për ta mposhtur opozitën jo te përdorimi i dhunës. Ligji e ka këto lëndë përdoren ndaj personave që kryejnë veprime të dukshme ndaj intitucioneve apo forcave.

Ka mbi 20 punonjës që përdorin spraj personal.

Mënyra e përdorimit ka një vijë debarkacioni ndaj kujt përdoren dhe kur përdoren.

Goditja me topin ujëhedhës, përdorim gaz lotsjellës ndaj liderit të opozitës, është shkelje flagrante e këtyre mjeteve sepse s’kemi veprime të dhunshme”, tha Prençi./ CNA

 

 





Lajmet e fundit nga