web counter
LEXO PA REKLAMA!

SHKARKO APP

App Store
Google Play

E fundit!

x

Ngërçi në aeroportin e Vlorës/ Pacolli: Dokumentet e MABCO-s janë, ai që i ka fshehur t'i gjejë

2026-04-13 22:25:00, Aktualitet CNA

Ngërçi në aeroportin e Vlorës/ Pacolli: Dokumentet e

Biznesmeni Behgjet Pacolli i ftuar në emisionin “Opinion” me gazetarin Blendi Fevziu ka folur për çështjen e aeroportit të Vlorës. Pacolli tha se ai vetë nuk ka qenë i përfshirë në nënshkrimin e kontratave dhe prej 2011 ai mnuk ka tagër të nënshkruajë asgjë.

Sa u përket dokumenteve të kompanicë MABCO, të cilat mungojnë, Pacolli tha se ato dokumente janë, por dikush i ka fshehur dhe duhet t’i nxjerrë. Biznesmeni tha se kredia e marrë është garantuar 100% nga kompnaia MABCO dhe pse kjo kompani ka 98% të aksioneve në aeroport.

Duke u ndalur te pezullimi i vendimmarrjes për kompaninë MABCO, Pacolli tha se pezullimi ka ardhur me arsytimin se aeroporti është shitur në një kompani ruse, gjë të cilën ai e mohoi.

Në lidhje me funksionimin e aeroportit, biznesmeni deklaroi se nuk është ende në funksion pasi infrastruktura nuk është ende gati dhe inxhinierët nuk lejohen të bëjnë punën e tyre.  

 

“Nuk kam qenë i përshirë në nëshkrimin e kontratave. Prej 2011 nuk kam tagër të nënshkruaj asgjë. Ishte kënaqësi që të bëja diçka të bukur në vendin tim. Kam dashur të krijoj një trashëgimi. Një projekt i tillë trajtohet në mënyrë menefrengiste, pas asnjë dëshirë që të ketë sukses projekti. Kam ndërtuar disa aeroporte nëpër botë. Ai që i ka fshehur dokumentet duhet t’i gjejë atje ku janë dhe t’i tregojë. Ne dokumentacionin e kemi. Janë dërguar bilancet, referencat dhe garancia bankare. Kredia është garantuar 100% nga MABCO, me kolateral nga MABCO. Nëse nesër dështon aeroporti është MABCO humbësi.

Aeroporti i Vlorës nuk është në funksion pasi nuk është infrastruktura gati. Inxhinierëve të mi sot nuk iu lejohet të hyjnë në vendin e punës. Jemi pezulluar nga vendimmarrja me arsyetimin se e kemi shitur aeroportin te një kompani ruse. Delfos është një kompani amerikane dhe ka marrëdhënie ekskluzivisht me MABCO”, tha Pacolli./CNA





Lajmet e fundit nga