web counter
LEXO PA REKLAMA!

SHKARKO APP

App Store
Google Play

Atentati me 2 viktima/ Kryetarja e PD: Shkodra nuk ka më siguri, krimi nuk njeh vend e kohë

2025-09-08 13:44:00, Aktualitet CNA

Atentati me 2 viktima/ Kryetarja e PD: Shkodra nuk ka më siguri, krimi nuk

Kryetarja e Partisë Demokratike të Shkodrës, Eliona Shkreli ka reaguar për atentatin e ndodhur ditën e sotme, ku u ka shprehur ngushëllimet familjarëve të viktimave.

Shkreli thotë se Shkodra jeton kohët e paaigurisë, pasi krimi nuk njeh as vend e as kohë.

Kryetarja e PD, Shkodër akuzon kryebashkiakun Beci se po i përdor taksat për të bërë punësime partie dhe jo për të mbrojtur jetën e qytetarëve.

Shkreli u ka bërë thirrje strukturave policore që të parandalojnë ngjarje të tilla kriminale dhe të sigurojnë jetën e qytetarëve.

“Sot Shkodra u trondit nga breshnitë e automatikut. Një bilanc tragjik me 2 të vdekur dhe 2 të plagosur është kjo që Shkodrës së kulturës dhe dijes i ofrohet në ditën e parë të shkollave!Ndërkohë që sot, rrugët e qytetit duhej të gumëzhinin nga zërat e gëzuar të fëmijëve dhe nga urimet për një vit shkollor të mbarë, qëndra e Shkodrës u mbulua nga breshëritë e plumbave dhe gjaku i shkodranëve. Shkodra jeton kohët e pasigurisë pasi vetëm pak ditë më parë, një tjetër vrasje ndodhi në qendër të qytetit. Tashmë krimi nuk njeh vend e as kohë. Shkodra nuk ka më siguri as në rrugë, as në lokal, as ditën e as natën! Sot krimi ndodh në qendër të qyteti, në oraret më të frekuentuara, brenda në lokale. Sot plumbat po marrin jetë të pafajshmish. Dita e sotme është një bilanc lufte!

Ky është shteti i Edi Ramës dhe Benet Becit, një shtet i paaftë për të parandaluar ngjarje të tilla tragjike. Kjo është pasiguria me të cilën përballet Shkodra dhe qytetarët shkodranë.  Kjo vrasje kriminale ndodhi vetëm pak metra larg zyrës të kryebashkiakut dhe drejtuesit politik Rilindas, Benet Beci, i cili ndërkohë që blindohet në zyrën e Tij për të bërë listat e shkarkimeve nga puna, jashtë dyerve të mbyllura të Tij ndodh makabriteti me viktima të pafajshme. Taksat e qytetarëve shkodranë përdoren nga Benet Beci për punësime partie, ndërkohë që do duhej të shkonin në mbrojtjen e qytetarëve, të sigurimit të rendit në Shkodër nga struktura e policisë bashkiake e drejtuar nga Ai. Pasaporta Euorpiane e kryeministrit Rama është në fakt pasaporta e krimit, paaftësia e një shteti për t’i siguruar qytetarëve të  të tij rend dhe siguri. Pasaporta Europiane është policia totalisht e paaftë për të siguruar jetën e njerëzve pavarësisht se paguhen nga taksat e shqiptarëve për t’i mbrojtur dhe për të parandaluar krime të tilla tronditëse, të denja për skenare filmash që janë parë e dëgjuar në Siçilinë e viteve ‘80.

Partia Demokratike i bën thirrje strukturave policore të kryejnë detyrën që i kërkon ligji, të parandalojnë ngjarje të tilla kriminale dhe të sigurojnë jetët e qytetarëve shkodranë! Detyra e policisë së shtetit nuk është vetëm vendosja e gjobave me urdhër të shefave, por detyrat kryesore te saj janë lufta ndaj krimit, siguria dhe rendi dhe mbrojtja e jetës së ëytetarëve shkodranë. Partia Demokratike shpreh ngushëllimet më të sinqerta për familjarët e viktimave të kësaj ngjarje makabre”, shkruan Shkreli./CNA





Lajmet e fundit nga