web counter
LEXO PA REKLAMA!

SHKARKO APP

App Store
Google Play

Guvernatori Sejko takon përfaqësuesit e Bankës Botërore/ Mirëpret përfaqësuesin e ri për Shqipërinë

24 Qershor 2025, 17:22, Ekonomi CNA

Guvernatori Sejko takon përfaqësuesit e Bankës Botërore/

Guvernatori i Bankës së Shqipërisë, Gent Sejko priti sot në takim përfaqësuesit e Bankës Botërore, Richard Record, Përfaqësues i përkohshëm rezident i Zyrës së BB-së në Shqipëri dhe Massimiliano Paolucci, Përfaqësuesi i ri i Zyrës së BB-së në Shqipëri .

Ai i përcolli përfaqësuesve të BB-së një falënderim të veçantë për asistencën teknike të ofruar ndër vite nga Banka Botërore për Bankën e Shqipërisë, kryesisht në fushat e mbikëqyrjes bankare, sistemeve të pagesave dhe edukimit financiar.

Gjithashtu, i uroi mirëseardhjen Përfaqësuesit të ri të BB-së, Paolucci .

Guvernatori u shpreh se Banka e Shqipërisë, me asistencën e BB-së, ka ndërmarrë hapa konkretë për të harmonizuar kuadrin rregullator me standardet evropiane, duke u anëtarësuar me sukses në Tregun Unik të Pagesave në Euro (SEPA) .

Transaksionet e para ndërkufitare SEPA pritet të realizohen në fillim të muajit tetor 2025.

Sejko theksoi se BSH po bashkëpunon ngushtë me BB dhe Bankën e Italisë për të implementuar një sistem pagesash të shpejta (Instant Payment), që është kloni i sistemit TIPS, sistemi evropian i pagesave të shpejta , për të ofruar:pagesa në kohë reale, me siguri më të lartë dhe kosto më të ulët për qytetarët./CNA





Lajmet e fundit nga