web counter
LEXO PA REKLAMA!

SHKARKO APP

App Store
Google Play

E fundit!

x

BE hap bankë në Shqipëri/ Favorizon projekte si transporti, energjia dhe furnizimi me ujë

2 Mars 2025, 22:20, Ekonomi CNA

BE hap bankë në Shqipëri/ Favorizon projekte si transporti,

Banka Europiane e Investimeve, një organ i Bashkimit Evropian dhe një nga investitorët e kreditorët më të mëdhenj globalisht, do të hapë degë në Shqipëri.

“Vendimi i BEI për të hapur degë në Shqipëri shkon në harmoni të plotë me politikat që ka Be në drejtim të Ballkanit Perëndimor. Një vendim i ngjashëm është marrë edhe për Bosnjen, Serbinë dhe Maqedoninë.

Është një vendim që vjen si pasojë e planit për rritjen që ka BE, që miratoi një vlerë rreth 6 mld euro vitin që shkoi për të mbështetur procesin e harmonizimit dhe aksesimit në BE të Ballkanit Perëndimor. BEI do të shërbejë si krahu bankar i lëvrimit të këtyre fondeve dhe si syri për të kontrolluar zbatueshmërinë e projekteve madhore që do të financohen.

Qëllimi i BE me këto fonde nuk është për të nxitur ekonomitë lokale, por për të nxitur interkonjeksionin, bashkëpunimin e ekonomive rajonale.”, tha Artan Gjergji, eksperti i tregut bankar.

Banka Europiane e Investimeve jep hua me norma të favorshme për projektet që plotësojnë kriteret e saj, me fokus në sektorin e transportit, atë të furnizimit me ujë dhe të energjisë.

Sipas njohësve të fushës, nisur edhe nga iniciativa e qeverisë për të hapur Bankën Shqiptare të Zhvillimit, tregon se tregu në Shqipëri ka një potencial të ri për të shfrytëzuar.

Në rastin e Bankës Shqiptare të Zhvillimit, ekspertët sugjerojnë që me kalimin e viteve të para, qeveria, që do të zotërojë 51% të aksioneve, të dalë nga skema dhe TE transferojë pjesën e kapitalit tek aktorët e tregut, për të shmangur aludimet për ndikim përtej të bërit biznes. /CNA





Lajmet e fundit nga