web counter
LEXO PA REKLAMA!

SHKARKO APP

App Store
Google Play

E fundit!

x

Komisioneri për Diskriminim kthen edukatoren në punë/ Bashkia e injoron

1 Shkurt 2023, 22:50, Denoncim CNA

Komisioneri për Diskriminim kthen edukatoren në punë/ Bashkia e

Në 6 Maj 2022 “Stop” ishte në Kavajë ku trajtoi problemin e edukatores Alma Teferiçi. Bashkëshorti i saj, Bledar Teferiçi shpjegoi se gruas së tij i kishte ardhur një urdhër transferimi në mes të Prillit, nga kopshti numër 1 në një çerdhe në Kavajë.

Zonja e ankimoi vendimin e kryetarit të bashkisë. Pak ditë më pas edukatorja Alma Teferiçi, mori një shkresë, ku thuhej, se transferohej nga kopshti nr. 1 në qytet në një kopsht në fshatin Karpen, një transferim në shkelje, pa kërkesë dhe pa dëshirën e zonjës.

Sikur të mos mjaftonte kjo, edukatorja në Karpen nuk kishte dëshirë, që të largohej nga kopshti, ku punonte.

“Stop” u rikthye në Kavajë dhe u takua me Alma dhe Bledar Teferiçi, të cilët na shpjeguan, se paralelisht me procesin gjyqësor janë drejtuar edhe te Komisioneri për Mbrojtjen nga Diskrimimini.

Ky i fundit me një vendim të 20 Dhjetorit 2022 ka kërkuar rikthimin në vendin e punës për Alma Teferiçin, duke e konsideruar largimin për arsye politike.

“Konstatoj diskriminimin e ankueses Alma Teferiçi në të drejtën për punësim për shkak të bindjeve politike nga Bashkia Kavajë”, thuhet në vendimin e Komisionerit.

Por bashkëshorti i Alma Teferiçit shprehet se Bashkia e Kavajës ka vazhduar papërgjegjshmërinë e drejtuesve.

Qytetari i drejtohet Zyrës së Arsimit Parashkollor në Bashkinë e Kavajës, Zyrës së Protokollit dhe Burimeve Njerëzore, të cilët pranojnë, se kanë marrë shkresën, por nuk e sqarojnë më tej.

Denoncuesi: A ka ardhur një urdhër kështu tek ju? I Komisionerit për Diskriminimin?

Zyra e Arsimit Parashkollor Kavajë: Jo mesa di unë, jo!

Denoncuesi: Dua të di, a ka ardhur një shkresë e datës 20.12.2022, e ka sjellë Komisioneri për Diskriminimin?

Protokolli Bashkia Kavajë: Po, e ka sjellë.

Denoncuesi: Këto shkresa ju si Protokoll i merrni?

Protokolli Bashkia Kavajë: Patjetër, që po!

Protokolli Bashkia Kavajë: Në zyrë përkatëse kujt i ciklohet? Dhe është cikluar më duket për Burimet Njerëzore, në mos gaboj.

Burimet Njerëzore nuk e presin në takim denoncuesin

Punonjësja Bashkia Kavajë: Momentalisht nuk mund të presin!/tvklan.al





Lajmet e fundit nga