Hotelet ikonike të bëra të famshme nga filmat dhe serialet televizive

13 Prill 2026, 08:43, Blog CNA

Hotelet ikonike të bëra të famshme nga filmat dhe serialet

Turizmi i frymëzuar nga kinemaja, i njohur si “set-jetting”, po vazhdon të rritet ndjeshëm në vitin 2026, duke i shtyrë udhëtarët të vizitojnë vendet që kanë parë në ekran. Një ndër elementët më tërheqës të këtij trendi janë hotelet ikonike që kanë shërbyer si skena për filma dhe seriale të njohura.

Një nga shembujt më të famshëm është Park Hyatt Tokyo, i bërë i njohur nga filmi Lost in Translation i regjisores Sofia Coppola. Hoteli u rikthye në funksion në dhjetor 2025 pas një rinovimi të gjatë, duke ruajtur stilin e tij të njohur që dominoi atmosferën e filmit.

Hotelet ikonike të bëra të famshme nga filmat dhe serialet

Në televizion, seriali The Night Manager solli në vëmendje Es Saadi Palace, i cili në ekran u paraqit si një hotel luksoz në Kajro. Ky resort i njohur për kopshtet dhe ambientet e tij ekskluzive ka pritur ndër vite figura të njohura ndërkombëtare.

Ndërkohë, Caesars Palace u bë edhe më i famshëm pas filmit The Hangover, edhe pse historia zhvillohet pjesërisht në një suitë të krijuar posaçërisht për xhirime. Hoteli mbetet një nga destinacionet më të njohura të argëtimit në botë.

Hotelet ikonike të bëra të famshme nga filmat dhe serialet

Seriali The White Lotus ka promovuar disa resorte luksoze të zinxhirit Four Seasons Hotels and Resorts, nga Hawai deri në Siçili dhe Tajlandë, duke i kthyer ato në destinacione shumë të kërkuara nga turistët.

Hotelet ikonike të bëra të famshme nga filmat dhe serialet

Një tjetër ikonë është Beverly Wilshire, i njohur nga filmi Pretty Woman, ku qëndruan personazhet e luajtur nga Julia Roberts dhe Richard Gere.

Hotelet ikonike të bëra të famshme nga filmat dhe serialet

Për fansat e misterit, Twin Peaks e bëri të famshëm Salish Lodge & Spa, i cili ofron pamje spektakolare pranë ujëvarave Snoqualmie.

Në Europë, Sex and the City prezantoi luksin e Hôtel Plaza Athénée, ku personazhi Carrie Bradshaw kalon momente të paharrueshme në kryeqytetin francez.

Hotelet ikonike të bëra të famshme nga filmat dhe serialet

Ky kombinim i turizmit dhe industrisë së argëtimit po krijon një mënyrë të re udhëtimi, ku fansat ndjekin gjurmët e personazheve të tyre të preferuar, duke përjetuar nga afër vendet që dikur i kanë parë vetëm në ekran./ Pershtatur nga CNA

Marre nga Euronews.com