web counter
LEXO PA REKLAMA!

SHKARKO APP

App Store
Google Play

E fundit!

x

Fondet për start-up/ Zhupa: Paratë publike për të rinjtë i janë shpërndarë miqve të partisë

21 Dhjetor 2022, 18:39, Aktualitet CNA
Fondet për start-up/ Zhupa: Paratë publike për të
Deputetja e Partisë Demokratike, Ina Zhupa

Deputetja e Partisë Demokratike, Ina Zhupa, ka denoncuar në Kuvend abuzime me fondet për start-up-et nga ministrja Edona Bilali.

Zhupa tha nga foltorja e Kuvendit se paratë publike të destinuara për rininë janë shpërndarë për miq dhe shokë të Partisë Socialiste.

Ajo kërkoi të dijë se përse nuk ka një përgjigje për këto abuzime, pasi pretendon se ministrja deri më tani ka thënë gjëra të pavërteta.

“Fondet për start-up. Ministrja në përpjekje për të kthyer përgjigje, tha disa të pavërteta të mëdha të cilat do të doja të ktheheshin në vëmendje që lidhen me fondet për paratë publike për grantet për inovacion për teknologjinë dhe të rinjtë. Mos ma ndaloni të bëj denoncimet e mia. Janë edhe anëtarët e bordit që do të menaxhojë për 10 vite konfliktin e interesit. Unë nuk pres që të kenë një menaxhim të ndryshëm. Ministrja tha se i kemi kthyer përgjigje emisionit. Ende sot nuk ka të dhëna se kush janë përfituesit e këtyre fondeve.

Abuzim i pastër me fondet publike, me paratë që ishin të destinuara për rininë. Menduam se rinisë do u jepet një mundësi për të bërë biznes, ky biznes do të ishte i mundshëm edhe në fushën e verës dhe të vreshtarisë. Por nuk i jepni sipas meritës sipas projekteve që sjellin qindra të rinj, por i jepni me miq dhe më shokët e partisë. Me ata që janë me lidhje klienteliste me ju. Ky duhet të ishte shqetësim i madh. Ne do ta votojmë! Pse nuk jepni përgjigje. Kjo na intereson të gjithëve. Bëhet fjalë për 400 aplikues që u skualifikuan pasi rrjeti i merimangës, çerdhja e militantëve ishin ata që duhet të përfitonin në kurriz të të rinjve të talentuar”, tha Zhupa./ B.A. - CNA.al





Lajmet e fundit nga