web counter
LEXO PA REKLAMA!

SHKARKO APP

App Store
Google Play

VIDEO/I veshur sportiv, momentet kur ekzekutori i Nikulajt mbërrin në Rinas

31 Dhjetor 2023, 12:18, Aktualitet CNA

VIDEO/I veshur sportiv, momentet kur ekzekutori i Nikulajt mbërrin në

Ministri i Brendshëm, Taulant Balla, ka publikuar pamje të ekstradimit të Ruben Ribeiro Saraiva, portugezit që akuzohet si vrasësi i Ardian Nikulajt. Saraiva u ekstradua nga Maroku, për t'u përballur me drejtësinë shqiptare. 

"Falë mbështetjes së fortë të Interpol me të cilët po punojmë çdo ditë për gjetjen e personave në kërkim si dhe bashkëpunimit me agjencitë ligjzbatuese të Marokut, sapo u përmbyll në Aeroportin “Nënë Tereza” ekstradimi i shtetasit Ruben Ribeiro Saraiva, person i kërkuar nga drejtësia shqiptare si i dyshuar për një krim të rëndë. Realizimi i këtij ekstradimi, edhe pse me Mbretërinë e Marokut nuk e kemi një marrëveshje ekstradimi, na ka krijuar tashmë eksperiencën, por edhe besimin të vijojmë përpjekjet tona për t’i dhënë fund pandëshkueshmërisë ndaj personave që fshihen në vende të tjera. Përgëzime Departamentit të Marrëdhënieve Ndërkombëtare, Interpol Tirana dhe djemve të palodhur të RENEA-s për realizimin e 78 ekstradimeve drejt Shqipërisë gjatë këtij viti që përmbyllim sot. Pres më shumë në vitin e ri 2024!", shprehet Balla. 

Portugezi ka qëndruar që prej majit i burgosur në Marok, ndërsa gjatë ekstradimit është shoqëruar nga një skuadër e policisë shqiptare. 

Ka dyshime se Saraiva është paguar nga Edmond Haxhia për të vrarë Nikulajn për hakmarrje.

Për të njëjtën ngjarje që akuzohet vrasësi portugez, janë arrestuar në Angli 3 shtetas britanikë dhe Edmond Haxhia që dyshohet si porositës. Edhe për këta të fundit autoritetet shqiptare kanë dërguar kërkesë për ekstradimin e tyre nga Britania në Shqipëri.

Vrasja e biznesmenit Ardian Nikulaj ishte në vazhdën e zinxhirit të hakmarrjes që familja e viktimës kanë me një fis tjetër në qytetin e Lezhës prej më shumë se dy dekadash./CNA 

 

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga