web counter
LEXO PA REKLAMA!

SHKARKO APP

App Store
Google Play

Teatri Kombëtar: Anagnosti i dha dritë ekranit shqiptar, zëri ynë u dëgjua përtej kufijve

1 Shtator 2025, 13:05, Aktualitet CNA

Teatri Kombëtar: Anagnosti i dha dritë ekranit shqiptar, zëri

Teatri Kombëtar, përmes një postimi në faqen zyrtare ka shprehur ngushëllimet për ndarjen nga jeta të regjisorit Dhimitër Anagnosti.

Në mesazhin e ngushëllimit institucioni shkruan se kineasti i mirënjohur ishte njeri i përkushtuar, vizionar që i dha dritë ekranit shqiptar dhe la pas pasuri të përhershme në kulturën tonë popullore.

 

"Me dhimbje të thellë morëm lajmin e ndarjes nga jeta të Dhimitër Anagnostit, mjeshtrit të madh të kinematografisë shqiptare.
Ai nuk ishte vetëm një regjisor i shquar, por një personalitet i kulturës sonë kombëtare, një vizionar që i dha dritë ekranit shqiptar dhe e ngriti artin filmik në nivele të reja artistike.
Film pas filmi, Anagnosti krijoi vepra që u bënë pasuri e përhershme e kujtesës sonë kulturore – histori të rrëfyera me mjeshtëri, thellësi emocionale dhe ndjenjë të lartë përgjegjësie artistike. Përmes tij, kinemaja shqiptare fitoi dinjitet, identitet dhe një zë që u dëgjua përtej kufijve.
Dhimitër Anagnosti ishte një shembull i rrallë i përkushtimit, i dashurisë për artin dhe i besimit te fuqia e kinemasë për të pasqyruar shpirtin e një kombi.
Me ikjen e tij, Shqipëria humbi një artist të madh, por fitoi përjetësisht një trashëgimi të artë që do të vazhdojë të frymëzojë breza të tërë.
Sot i bëjmë nderim me mirënjohje të pafund, duke e kujtuar si një nga shtyllat më të forta të kulturës sonë.
Pushofsh në paqe, mjeshtër Dhimitër Anagnosti," shkruhet në mesazh./CNA





Lajmet e fundit nga