web counter
LEXO PA REKLAMA!

SHKARKO APP

App Store
Google Play

E fundit!

x

“Të gjitha rrugët të çojnë në Ballkanin Perëndimor”/ Rama nuk kursen “shigjetat” për opozitën

12 Dhjetor 2022, 11:59, Aktualitet CNA
“Të gjitha rrugët të çojnë në Ballkanin
Kryeministri Edi Rama

Kryeministri Edi Rama, në prezantimin e Projektit të Portit të ri Tregtar të Durrësit, ka theksuar rëndësinë e këtij projekti.

Rama është shprehur se ky projekt është një fytyrë e re, jo vetëm për Shqipërinë por edhe për Ballkanin Perëndimor.

Krahas prezantimit të projektit, Rama nuk ka ngurruar të shigjetojë opozitën, duke të thënë se nëse ky projekt do të kishte nisur më parë, sot Shqipëria do të ishte duke marrë frytet.

Sipas Ramës, tashmë janë kushtet për të pasur një port të denjë dhe jo si ai i shekujve të shkuar.

“Të gjitha rrugët e Ballkanit Perëndimor të çojnë në Durrës.

Durrësi është konsideruar si tavernë e Adriatikut. Durrësi limani më i rëndësishëm i kohës, pozitë të cilën e mbajti dhe pas krijimit të shtetit të Arbrit.

Sot jemi në shekullin XXI dhe jemi vonë se nëse do shihni me kujdes projeksionet e kompanisë dhe progresionin e të ardhurave, po të kishte nisur kjo punë 20 vite më parë sot do të ishim duke marrë frytet.

Tani janë pjekur kushtet më në fund që të kemi një port tregtar të denjë, jo si ai i shekujve të shkuar.

Ndërkohë ambicia jonë është që Porti i ri Tregtar i Durrësit të bëhet nyja më e rëndësishme strategjike e gjithë qarkullimit tregtar me Perëndimin dhe me gjithçka që shkon përtej anës Perëndimore, për të gjithë Ballkanin Perëndimor.

Të gjitha vendet që u mblodhën në Samit nuk kanë asnjë shans tjetër të kalojnë në nivel tjetër të shkëmbimeve tregtare pa Durrësin.

Ky projekt do t’i japë këtij rajoni një fytyrë krejt tjetër. Nga ana tjetër ky është një port që çon bashkëpunimin rajonal në një nivel krejt tjetër”, tha Rama./ CNA.al





Lajmet e fundit nga