web counter
LEXO PA REKLAMA!

SHKARKO APP

App Store
Google Play

Situata e zjarreve në vend/ 5 vatra vijojnë aktive

5 Korrik 2026, 19:12, Aktualitet CNA

Situata e zjarreve në vend/ 5 vatra vijojnë aktive

Mbrojtja Civile ka bërë një përditësim të situatës nga zjarret gjatë ditës së sotme.

Në njoftimin e bërë thuhet se gjatë ditës së sotme u zhvilluan operacione për 16 vatra zjarri, teksa 5 vijojnë të jenë ende aktive.

Sa u përket vatrave aktive, Mbrojtja Civile bën me dije se janë vënë nën kontroll dhe po punohet për shuarjen përfundimtare të tyren.

 

 

Njoftimi

Nën koordinimin e Agjencisë Kombëtare të Mbrojtjes Civile, gjatë ditës së sotme u menaxhuan operacionet për përballimin e 16 vatrave të zjarrit në disa qarqe të vendit. Pesë vatrat që vijojnë të jenë aktive janë vënë nën kontroll, ndërsa strukturat operacionale po punojnë për shuarjen përfundimtare të tyre.

Në operacionet e zhvilluara në Hajdaraj/Synej (Kavajë), Drizë–Peshtan (Fier), Tale (Lezhë), Ulën (Elbasan), Divjakë dhe vatra të tjera u angazhuan 261 forca operacionale, 40 automjete zjarrfikëse, 2 helikopterë, 30 efektivë dhe 2 automjete zjarrfikëse të Forcave të Armatosura, si dhe forca të Policisë së Shtetit, FNSH-së, Shërbimit Pyjor, strukturave vendore të emergjencave civile dhe shërbimeve shëndetësore.

Një falënderim të veçantë për pilotët dhe ekuipazhet e helikopterëve të Forcave të Armatosura, si dhe për efektivët e Forcave të Armatosura që mbështetën operacionet nga toka, duke ndërhyrë në kushte të vështira dhe duke dhënë një kontribut të rëndësishëm në menaxhimin e situatës.

Mirënjohje edhe për zjarrfikësit e bashkive Fier, Kavajë, Lezhë, Kurbin, Elbasan, Divjakë, Rrogozhinë, Lushnjë, Durrës dhe Kamëz, të cilët, në bashkëpunim me të gjitha strukturat e tjera operacionale, vepruan me profesionalizëm, përkushtim dhe gatishmëri për mbrojtjen e jetës, pronës dhe mjedisit.





Lajmet e fundit nga