web counter
LEXO PA REKLAMA!

SHKARKO APP

App Store
Google Play

E fundit!

x

Sfidat e dezinformimit/ Këshilli Kombëtar i Medias: Duhet vetërregullim

26 Maj 2025, 15:21, Aktualitet CNA

Sfidat e dezinformimit/ Këshilli Kombëtar i Medias: Duhet

Këshilli Shqiptar i Medias zhvilloi një takim në Shkodër mbi temën e promovimit të etikës dhe vetërregullimit në mediat lokale dhe sfida e dezinformimit. Në këtë takim u diskutua mbi përvojat, sfidat dhe nevojat e gazetarëve dhe aktorëve lokalë në Shkodër sa i përket etikës profesionale, vetërregullimit dhe luftës kundër dezinformimit në media.

“Sfida kryesore është që vetërregullimi i mediave duhet që të bëhet gjithnjë e më masiv. Mediat duhet të kuptojnë rëndësinë që sa më shumë të mos ia lënë në dorë qeverisë që t’ua rregullojë shprehjet e tyre, por duhet që ta rregullojnë vetë. Sigurisht që ka plot gazetarë që nuk i respektojnë rregullat e etikës, bëjnë gabime që mund të cënojnë reputacionin e individit dhe kjo është një justifikim shumë i mirë i qeverisë që të ndërhyjë për të kufizuar lirinë e shprehjes, siç ndodhi me paketën antishpifje dhe aty ky ishte qëllimi. Bota e përparuar e ka zgjidhur këtë duke lënë qeverinë jashtë dhe duke thënë se e rregullojmë vetë ne veten tonë. Kjo është një nga gjërat që diskutohet në procesin e negociatava me BE, një nga aspektet e lirisë së shprehjes ku BE synon që t’u thotë mediave shqiptare organizohuni dhe vetërregullohuni sepse kjo është forma më e mirë”, ka deklaruar Dorjan Matlija, ekspert i medias.

Ajo që synohet është që vetërregullimi i medias përveçse në Tiranë ku ka një fokus të rëndësishëm të zgjerohet edhe në qytetet e tjera të mëdha si Shkodra.

“Kemi përpjekje të mira në Tiranë, por ne duam që ta shtrijmë edhe në qytete të tjera të mëdha si Shkodra, Vlora apo disa të tjera dhe mendojmë që kështu ta zgjerojmë pak gjeografinë e vetërregullimit dhe të japim ato që ne dijmë dhe çfarë eksperiencash kemi”, tha Matlija.

Mediat online mbeten problemi më i madh sa i përket etikës dhe dezinformimit.

“Mediat online janë pak më problematike, qoftë edhe për arsyen se janë të orientuara drejt marrjes së fitimeve të shpejta dhe ulin cilësinë, bëjnë lajme më shumë sensacionale se ç’duhet sepse kjo është nevoja e tyre që të marrin shikueshmëri, por ato kanë përgjegjësi jo thjeshtë për përmbajtjen e lajmeve të tyre, por edhe për komentet që bëjnë individë të ndryshëm qofshin kur janë komente direkte në faqe apo në rrjetet sociale. Mediat online e kanë për detyrë që të moderojnë këto komente, shqetësim i cili nuk është tek mediat audiovizive”, theksoi Matlija.

Pas këtyre takimeve të zhvilluara me mediat në disa qytete të Shqipërisë, BE përmes projekteve të ndryshme do të mbështesë disa prej tyre në fuqizimin dhe zhvillimin e mëtejshëm, kjo me ndërmjetësimin edhe të Këshillit Shqiptar të Medias./ CNA





Lajmet e fundit nga