web counter
LEXO PA REKLAMA!

SHKARKO APP

App Store
Google Play

E fundit!

x

“Protestojmë për të drejtat tona”/ Gratë nisin marshimin, mesazhe të forta në 8 Mars

8 Mars 2023, 11:04, Aktualitet CNA

“Protestojmë për të drejtat tona”/ Gratë nisin

Një grup aktivistesh dhe anëtare të Lidhjes Demokratike të Gruas, me rastin e 8 Marsit kanë zgjedhur të protestojnë për të drejtat e grave dhe vajzave në Shqipëri.

Ato kanë nisur marshimin drejt tri institucioneve të Ministrisë së Drejtësisë, Ministrisë së Brendshme dhe Ministrisë së Punës dhe Çështjeve Sociale dhe protesta e tyre do të mbyllet para Kryeministrisë.

Me pankarta në duar, me mesazhe të forta kundër dhunës, aktvistet kanë qëndruar para institucioneve, duke kërkuar të drejtat e tyre.

“Vajzat dhe gratë shqiptare janë të jashtëzakonshme, çdo ditë krenohemi me arritjet e tyre, por sot nuk është ditë vetëm për të festuar”, është shprehur Barbara Doda, një nga organizatoret e protestës.

“Është pikërisht kjo dita për të cilën ne jemi mbledhur këtu bashkë, së bashku me lidhjen e gruas kemi organizuar një protestë, sigurisht paqësore, për të përcjellë pikërisht disa mesazhe për këtë ditë.

Kemi zgjedhur tri intitucione që janë: Ministria e Drejtësisë, Ministria e Brendshme dhe Ministria e Mbrojtjes Sociale për të dhënë mesazhet tona.

Sigurisht, duke qenë të shtyra edhe nga ndodhia që ka ndodhur, ngjarja e rëndë që ka ndodhur disa ditë më parë. Kur janë vrarë tri gra, dhe janë plagosur tri gra të tjera, edhe në mbështetje të tyre, edhe në sensibilizim të politikave të këtyre institucioneve. Këto institucione që ne kemi zgjedhur sot kanë një të përbashkët që lidhen me gruan, që lidhen më rënien e këtyre institucioneve të cilat nuk janë tashmë funksionale, të cilat nuk bëjnë më rolin e tyre, nuk përkrahin gratë dhe kanë pamjaftueshmëri sociale.

Sot jemi më të varfra se vite më parë. Statistika të marra edhe nga INSTAT, nga 2013 kur ka qenë PD, kanë emigruar rreth 4000 gra azilkërkuese, sot këto shifra janë alarmante, deri në rreth 11,000 gra që kërkojnë azil në vendet e BE-së.

Do të thotë që këto institucione që ne i kemi votuar vetë, tashmë kanë rënë. Unë ftoj gra, vajza edhe burra. Nuk është një reagim feminist, dua ta theksoj këtë, është një reagim njerëzor. Sot jo vetëm gratë vuajnë varfërinë, por i gjithë shteti shqiptar. Do t’ju ftoja që të bashkoheshim pas deklaratës sonë te Kryeministria, do të jetë një protestë që do të zgjasë rreth një orë dhe secila mund të flasë për eksperiencat e saja të dhunave të formave të ndryshme dhe ju ftoj të na bashkoheni”, u shpreh Fjoralba Dizdari./CNA.al



 

 





Lajmet e fundit nga