web counter
LEXO PA REKLAMA!

SHKARKO APP

App Store
Google Play

E fundit!

x

"Procesi në Hagë ka devijuar nga misioni"/ Hashim Thaçi: Jam vetëm instrument në një eksperiment juridik

4 Maj 2026, 22:15, Aktualitet CNA

"Procesi në Hagë ka devijuar nga misioni"/ Hashim

Ish-presidenti i Kosovës, Hashim Thaçi, ka folur nga burgu i Hagës, për procesin gjyqësor që po zhvillohet ndaj tij. Në një intervistë për emisionin “Opinion”, Thaçi është shprehur se procesi gjyqësor që vijon prej 6 vitesh, ka devijuar nga misioni i tij.

Më tej është shprehur se ky proces duhet të ishte transparent, ndërsa ka shtuar se ai është vetëm një instrument në atë që e cilësoi “eksperiment juridik".

Ndër të tjera ish-presidenti ka shprehur besimin se pas dëgjimit të dëshmitarëve do të dalë një vendim i drejtë për të dhe ish-liderët e tjerë të UÇK-së.

“Në izolim po kaloj vitin e gjashtë, pa vendim gjyqësor. Siç theksoi së fundi eksperti politik amerikan Daniel Serwer: ky proces ka devijuar nga misioni. Duhet të ofrohet drejtësi, e jo hakmarrje e bazuar në mashtrim. Nga ana ime nuk kam ç'ka t'i shtoj këtij konstatimi. Të ishte transparent, llogaridhënës, me mekanizëm kujdestarie, të respektohet barazia e palëve, të drejtat e njeriut, e mbi të gjitha legjislacioni i Kosovës, mbi bazën e së cilit është themeluar kjo gjykatë. Ndjekja penale të respektonte parimet themelore të kodit të etikës, që të ndiqej e vërteta kudo që të çon ajo, duke përfshirë edhe dëshmitë shfajësuese. Une jam vetëm instrument në këtë eksperiment juridik. Kam besim se pas dëgjimit të dëshmitarëve do të nxjerrin vendim të drejtë dhe meritor. Shumëçka lidhur me legjitimitetin e së drejtës penale ndërkombëtare varet nga rezultati i këtij procesi.”, është shprehur Thaçi. /CNA





Lajmet e fundit nga