E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Politika uron besimtarët myslimanë për Kurban Bajramin

16 Qershor 2024, 09:17, Aktualitet CNA

Të dielën, të gjithë besimtarët myslimanë festojnë Kurban Bajramin, një nga 2 festat më të rëndësishme në kalendarin e myslimanëve.

Nuk kanë munguar edhe urimet e politikanëve shqiptarë dhe zyrtarëve të lartë për këtë festë të rëndësishme.

Presidenti Bajram Begaj shprehet në një postim në rrjetet sociale se Kurban Bajrami bart mesazhin e sakrificës sublime duke mundur egoizmin, zemërimin dhe lakminë.

"Përzemërsisht i uroj Kurban Bajramin besimtarëve myslimane shqiptarë! Kurban Bajrami bart mesazhin e sakrificës sublime duke mundur egoizmin, zemërimin dhe lakminë. Kurban Bajrami është akt arsyeje dhe vullneti, me anë të të cilit ne kuptojmë madhështinë e mesazhit hyjnor dhe përpiqemi të përmbushim rolin tonë për të bërë të mira e për t’iu gjendur pranë atyre që nuk kanë mundësi. Vetëm ky reflektim i gjithsecilit bën të mundur një shoqëri më të mirë e më të drejtë. Gëzuar për shumë vjet Kurban Bajramin!", shkruan Begaj.

Ndërsa presidenti i Partisë së Lirisë, Ilir Meta, tha se kjo festë është simbol i sakrificave dhe humanizmit, pikërisht nga Kavaja, qyteti simbol i traditave dhe vlerave.

"Gëzuar Kurban Bajrmain. Kënaqësi t'ju uroj këtë Festë të Shenjtë, simbol të sakrificave dhe humanizmit, pikërisht nga Kavaja, qyteti simbol i traditave dhe vlerave", shprehet Meta.

Nuk ka munguar edhe një urim nga kryetarja e Kuvendit, Lindita Nikolla.

"Me rastin e Festës së Kurban Bajramit, uroj besimtarët myslimanë dhe qytetarët që festojnë e ndajnë me ta harenë e kësaj dite të bukur. Kjo Ditë na frymëzon që dashurinë për Zotin ta kemi edhe për njeri-tjetrin, sakrificën në emër të Besimit ta bëjmë pjesë të jetës, përkushtimin ndaj Zotit ta tregojmë edhe ndaj atyre që kanë nevojë për ne. Shëndet, gëzime e bekime për të gjithë!", shkruan Nikolla në "Facebook".

Kurban Bajrami është një nga dy festat islame të cilën e kremtojnë myslimanët në mbarë botën, tjetri është Fitër Bajrami. Festa, sipas traditës islame, nderon gatishmërinë e Ibrahimit të flijojë djalin e tij si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.

Mishi nga kafsha e flijuar ndahet në tri pjesë, familja mban një pjesë, pjesa tjetër jepet për të afërmit, shokët dhe fqinjët; ndërsa pjesa e mbetur u ndahet të varfërve dhe nevojtarëve.

Ndryshe është njohur edhe si Bajrami i haxhive, sepse brenda ditëve të këtij bajrami kryhet edhe pelegrinazhi ritual në Mekë.

Në kalendarin hixhri, Kurban Bajrami bie në ditën e 10-të të muajit Dhulhixhxhe dhe zgjat për katër ditë. Në kalendarin Gregorian, data ndryshon nga viti në vit duke shkuar përafërsisht 11 ditë më herët çdo vit./CNA