web counter
LEXO PA REKLAMA!

SHKARKO APP

App Store
Google Play

E fundit!

x

Nesër protestë në Tiranë / Rama: Do të nisim 6 autobusë nga Prishtina

16 Tetor 2025, 22:14, Aktualitet CNA

Nesër protestë në Tiranë / Rama: Do të nisim 6

Kryetari i Komunës së Prishtinës, Përparim Rama në një intervistë në Klan News ka deklaruar se do të vendosen gjashtë autobusë për të trasnportuar protestuesit nga kryeqyteti i Kosovës në Tiranë, për protestën në mbështetje të ish-krerëve të UÇK. Rama deklaroi se e sheh protestën si organizim me vend sepse duhet të jenë në mbështetje të vlerave të Ushtrisë Çlirimtare të Kosovës.

Protesta do të mbahet nesër më 17 tetor, ora 17:00, në Tiranë. 

 

"Kemi pasur takime me organizatën e veteranëve të Ushtrisë Çlirimtare të Kosovës, ku kërkesa ka qenë rreth gjashtë autobusë dhe normal që ne kemi dalë në ndihmë, sepse besojmë që protesta është me vend, kërkon drejtësi dhe kërkon për mbrojtjen e vlerave të UÇK-së. Më herët kemi pasur edhe protestën në kryeqytet të cilën e kemi përkrahur. Komuna e Prishtinës është e para që ka krijuar edhe zyrën brenda kabinetit të kryetarit për organizatat e dala nga lufta dhe si e tillë ne kemi qenë gjithmonë në mbrojtje të vlerave të UÇK-së dhe do të vazhdojmë të ecim në përkrahje të vlerave të saj," deklaroi Rama./CNA





Lajmet e fundit nga