"Na kanë ushtruar presion"/ Sindikata e pedagogëve paralajmëron protestën

3 Tetor 2022, 11:34, Aktualitet CNA

"Na kanë ushtruar presion"/ Sindikata e pedagogëve

Sindikata e punonjësve të universiteteve ka dalë në një deklaratë për shtyp, ku kanë paralajmëruar se në datën 5 tetor do të mbahet një protestë para Universitetit Politeknik.

Duke u shprehur se duan të qëndrojnë larg politikës, sindikata u ka bërë thirrje gjithë akademikëve që t'i bashkohen protestës, në mënyrë që kushtet e tyre të punës dhe sistemi arsimor të rregullon.

“Le të bëhemi këtë herë të gjithë bashkë në emër të misionit tonë akademik për ta bërë këtë profesion misionarë të mirëpaguar. Të mërkurën, 5 tetor, ora 11, të bëhemi bashkë misioni ynë nuk mbetet vetëm brenda mureve të auditorëve. Të jemi bashkë për një vlerësim dinjitioz. Do të qëndrojmë fort për të realizuar kërkesat tona legjitime.

Larg interesit politik. Kolegët e universiteteve në mbarë Shqipërinë të mbështesin protestën të mërkurën, le ta bëjmë këtë godinë simbolin e qëndresës akademike”.

Sakaq, sindikata pati edhe një mesazh të prerë për institucionet e arsimit të lartë publik, ku kërkojnë që të mos u ushtrohet presion që stafet të jenë pjesëmarrës në protestë.

“Drejtues të institucioneve të arsimit të lartë publik ju lutem qëndroni në lartësinë e detyrës duke mos penguar dhe intimiduar pjesëmarrjen në këtë protestë. Në anën tonë kemi të drejtën e ligjin. Ka pasur shenja në mënyrë direkte të kërkesave për të mos marrë pjesë në grevë të gjithë rangjet e drejtimit duhet të kenë parasysh këtë fakt. Si pjesëmarrje do të jetë e madhe ka shumë angazhim e sensibilizim nga pedagogët. Nuk kemi sinjalizime as për rritje pagash as për kërkimin shkencor dhe rivlerësimin e orës mësimore.
Sindikata e stafet presin rritje serioze dhe jo lëmosha si theksohet në mënyrë informale. Ti afrohemi pagesat e universiteteve të Kosovës brenda 2-3 viteve. Bojkoti është një nga mënyrat që do përdoret.

Ditën e mërkurë protesta nuk do jetë e ngjashme me protestën e fakultetit të shkencave, do të jetë si një forum ku do të marrin fjalën profesorë e përfaqësues të shoqërisë civile të studentëve. Do të jetë forum për të mirën e universiteteve.

Kjo është një lëvizje akademike universitare e stafeve për të mirën e arsimit të lartë larg interesave të politikës së ditës. Të gjithë partive të pozitës të angazhohen se kanë fuqinë e pushtetit për të realizuar kërkesat e peticionit dhe opozitës e çdo faktori politik të kontribuojë me programin e tyre politik të fusë më shumë si do të realizojnë një arsim publik të lartë cilësor”, u shpreh drejtuesi i Sindikatës për mediat./CNA.al