E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Dy padi ndaj Sonila Qatos/ Ish-drejtoresha e ARRSH-së u detyrua të jepte dorëheqjen

3 Tetor 2022, 10:45, Aktualitet CNA

Dy padi ndaj Sonila Qatos/ Ish-drejtoresha e ARRSH-së u detyrua të

Ish-drejtoresha e Autoritetit Rrugor Shqiptar, Sonila Qato, është thirrur sot në SPAK në lidhje me rrugën Kardhiq-Delvinë.

Ndaj saj rezultojnë dy padi, siç është raportuar më herët nga mediat.

Një padi ndaj saj është nga bërë Kontrolli i Lartë i Shtetit.

Më herët, KLSH ka konstatuar se në rrugën Kardhiq-Delvinë, Loti 7, ka pasur parregullsi duke skualifikuar padrejtësisht një kompani dhe ky skualifikim i kushton shtetit jo pak, por rreth 5 milionë euro.

"Oferta ekonomike e kompanisë së skualifikuar ka qenë në vlerë më të ulët me diferencë prej 611,675,104 lekësh. Kështu do të eliminohej dëmi ekonomik në vlerën 611,675,104 lekë me TVSH nga skualifikimi i padrejtë i këtij bashkimi operatorësh ekonomik, thuhet në raport.

Për këtë arsyet KLSH ka paditur Sonila Qaton për këtë tender.

Në vitin 2019, Qato është paditur nga kompania “Gjoka Konstruksion” e cila e ka akuzuar, se ka prishur imazhin e kompanisë dhe ka shkelur ligjin në tenderimin e rrugës Kardhiq-Delvinë.

Pas kësaj padie ka ardhur edhe dorëheqja e Qatos, e cila me anë të një reagimi ne rrjete sociale, ka sqaruar arsyet.

“Pas një periudhe të shkurtër pune, por shumë intensive, për të reformuar Autoritetin Rrugor Shqiptar dhe për të krijuar një model transparence dhe profesionalizmi në këtë institucion, vetëm pak ditë më parë jam akuzuar nga një kompani lidhur me një procedurë, të cilën unë e gjykoj plotësisht të drejtë dhe ligjore.

Kjo situatë më ka vendosur në një pozitë të vështirë në raport me detyrën. Nga njëra anë më duhet të përballem me akuzat dhe procesin ligjor që shfaqen në vorbullën e pafundme të çudirave mediatike dhe nga ana tjetër duhet të administroj punën e përditshme dhe projektet infrastrukturore (pjesë e kësaj pune është edhe kompania që akuzon).

Jam e keqardhur për gjithë këtë zhurmë dhe e lënduar nga spekulimet jashtëzakonisht të mëdha në media mbi procedurat e ndjekura në respektim të ligjit dhe dokumentacionin zyrtar që ka të bëjë me rastin në fjalë. Por jam edhe në pamundësi normaliteti në një punë që s’ka as orar dhe as ditë pushimi, sepse kërkon angazhim ekstrem mendërisht e fizikisht.

Prandaj me mirënjohjen e sinqertë për Kryeministrin e vendit, i cili jo vetëm më besoi këtë detyrë të rëndësishme, por edhe më krijoi kushte të pavarësisë së plotë në drejtimin e institucionit, ndjeva sot detyrimin moral t’u bëj me dije dorëheqjen nga detyra që më është ngarkuar.

Jam e gatshme që të gjithë eksperiencën, dijen dhe integritetin tim ta vë në dispozicion të çdo detyre tjetër që mund të më kërkohet, por siç u mundova ta shpjegoj, e kam të pamundur të vazhdoj detyrën aktuale.

Faleminderit të gjithë bashkëpunëtorëve të mi dhe vazhdim të mbarë të një pune që kemi nisur mirë së bashku”, ka shkruar Qato, në reagimin e dorëheqjes./CNA.al