web counter
LEXO PA REKLAMA!

SHKARKO APP

App Store
Google Play

E fundit!

x

“Lufta” mes drejtorit të madh dhe shefit të sektorit/ Specialistet zbardhin urdhrin e Ervin Muçës

10 Prill 2024, 22:16, Aktualitet CNA
“Lufta” mes drejtorit të madh dhe shefit të sektorit/
Drejtori i IT-së në Policinë e Shtetit, Ervin Muça

Skandali me nxjerrjen e të dhënave të sistemit TIMS është kryefjala e këtyre ditëve pas arrestimit të drejtorit të IT-së në Policinë e Shtetit, Ervin Muça.

Disa nga vartësit e Muçës, kryesisht specialistë, kanë treguar se si u urdhëruan nga shefi i tyre për nxjerrjen e të dhënave.

Këto dëshmi që zbardhen në dosjen hetimore të SPAK-ut, janë publikuar në emisionin e Klodiana Lalës, “Në Shënjestër”.

Njëra prej se specialisteve rrëfen se Muça erdhi në zyrë dhe i urdhëroi dy prej kolegëve të saj mbylljen e aksesit për shefin e sektorit, por ky i fundit i kishte kundërshtuar.

“Më datë 2 Gusht, rreth orës 15.00 në zyrë ka ardhur drejtori Ervin Muça, i cili u ka kërkuar dy prej specialistëve mbylljen e aksesit për shefin e sektorit dhe në vazhdim të raportonim vetëm te ai, pra te drejtori.  Por pa kaluar as 5 minuta, në adresat tona erdhi një email nga adresa e Ardit Muços, ku ai na shkruante që të mos bënim asnjë proces lidhur mbi back up-in e të dhënave në sistemin TIMS. Kjo pasi sipas tij është e ndaluar dhe përgjegjësia është individuale”, ka dëshmuar specialistja G. S.

Kjo është konfirmuar edhe nga specialistja A.V., e cila ka deklaruar se:

“Më datë 2 Gusht 2023, drejtori më mori në telefon dhe më tha t’i shkoja në zyrë. Ku më kërkoi që të bëja një kopje të të dhënave që lidheshin me back up-in e sistemit TIMS dhe sistemeve te tjera që janë pjesë e back up. Nga ana ime nuk është përcjellë asnjëherë dhe askujt asnjë kopje e bazës së të dhënave. Po më këtë datë, më duhet të them se një punonjës i jashtëm, njohje e drejtorit Ervin Muça, tentoi të kryente procesin e back up, por dështoi në këtë proces”.

Ndërkohë, specialistja Xh.Ç, ka rrëfyer se operacioni për kalimin e të dhënave nuk ishte kryer i plotë.

“Gjatë kohës që A. V u ul në kompjuterin tim për të bërë back up-in, në këtë moment në zyrë vjen edhe një person nga AKSHI, i cili erdhi aty për të ndihmuar kolegen time. Ndërkohë që sipas urdhërit të drejtorit unë duhet të qëndroja për gjatë gjithë kohës aty, për të mësuar se si kryhej procesi. Gjë që e bëra deri në orën 20.30, pasi procesi nuk po mbyllej. Nga ajo që mësova është se eksportimi i të dhënave ishte kryer vetëm në masën 500 mgb. Por jo i gjithë, pasi diçka nuk shkonte”, ka dëshmuar Xh. Ç.

Të nesërmen zyrtarja i tha Agjencisë së Mbikëqyrjes Policore, se një kolege e kishte informuar përmes telefonit se kishin qëndruar deri në mesnatë në institucion dhe se procesi nuk kishte përfunduar. Ndërkohë që në zyrë, në kompjuterin e saj ajo gjeti mbi tavolinë edhe Hard Diskun që një ditë më parë ia kishte dhënë drejtori Ervin Muça, Hard Disk që do të shërbente për të hedhur të dhënat e sistemit. Por që kur ajo e kontrolloi, kuptoi që ishte bosh dhe nuk kishte asnjë të dhënë të ruajtur.





Lajmet e fundit nga