web counter
LEXO PA REKLAMA!

SHKARKO APP

App Store
Google Play

Kryemadhi paralajmëron Ramën për inceneratorin e Tiranës/ "Ke për ta ngrënë kallup siç ke qejf"

16 Shkurt 2023, 13:56, Aktualitet CNA

Kryemadhi paralajmëron Ramën për inceneratorin e Tiranës/

Deputetja e Partisë së Lirisë, Monika Kryemadhi, ka vijuar debatin në Kuvend me ministrin e Drejtësisë, Ulsi Manja, pas reagimit të këtij të fundit, ku u shpreh se opozita po sulmon ministret e qeverisë Rama.

Kryemadhi ka replikuar, duke i kujtuar Manjës se gratë mbrohen vetë edhe kur kanë burra të fortë.

Ajo u shpreh se nuk është dakord që gratë t’i nënshtrohen kryeministrit duke firmosur kontratat e tij apo kontejnerët e bananeve me drogë.

Mes të tjerash ajo nuk i kurseu ironitë për Ramën, ndërsa e paralajmëroi se do ta hajë kallup me firmën që ka dhënë për inceneratorin e Tiranës.

“E kuptoj shumë mirë qëndrimin tuaj ndaj grave ministre. Jam dakord kur thoni: jam krenar ku punoj me zonja. Dhe unë jam krenare kur punoj me gra luftëtare. Nuk jam dakord kur gratë nënshtrohen për qejfet e kryeministrit, që firmosin për kontratat e tij apo për kontejnerët e bananeve dhe brenda ka drogë. Nuk jam dakord kur përdoren ministret dhe ministrat për interesat e Ramës, qoftë për t’i çuar në vizita jashtë shtetit apo në bisedime të fshehta që e dini mirë. Nuk jam dakord kur gratë përdoren në mënyrë më primitive, edhe për Portin e Durrësit. Pse nuk firmosi kryeministri juaj? Nuk jam dakord për ato që firmos. Vetëm një gjë firmosi ai, inceneratorin e Tiranës. Aty ka për ta ngrënë kallup siç e ka qejf ai. Gratë e forta mbrohen edhe kur nuk i kanë burrat e fortë”, tha Kryemadhi./ CNA.al





Lajmet e fundit nga