web counter
LEXO PA REKLAMA!

SHKARKO APP

App Store
Google Play

E fundit!

x

Furtunë në Komisariatin e Krujës/ Shkarkohet trupa policore 3 ditë pas dhunës barbare

8 Korrik 2023, 15:26, Aktualitet CNA

Furtunë në Komisariatin e Krujës/ Shkarkohet trupa policore 3

Një furtunë shkarkimesh po ndodh në Komisariatin e Policisë së Krujës.

3 ditës pas dhunës barbare të anëtarëve të fisit Rraja ndaj dy personave të fisit Maja, është shkarkuar e gjithë trupa policore në Krujë.

Lajmin e ka konfirmuar vetë Policia e Shtetit.

“Në vijim të masave të marra do rinovohet e tërë trupa e niveleve zbatuese dhe drejtuese të Komisariatit të Policisë Krujë dhe Drejtori i Drejtorisë Vendore të Policisë Tiranë, Drejtues i Parë Tonin Vocaj është drejtuesi operacional dhe përgjegjësi për çështjet e rendit dhe sigurisë, në juridiksionin territorial të këtij komisariati”, thuhet në njoftimin e policisë.

Shkarkimet në policinë e Krujës ndodhën menjëherë pasi ministri i Brendshëm, Bledi Çuçi mbajti një takim me drejtorin e Përgjithshëm të Policisë së Shtetit, Muhamet Rrumbullaku.

Shkarkimet vijnë tri ditë pasi anëtarë të fisit Rraja rrahën barbarisht 2 persona me mbiemër Maja në Fushë-Krujë, për një gurore në fshatin Borizanë. Pamjet e dhunës barbare u filmuan nga anëtarët e fisit Rraja dhe u shpërndanë në rrjet.

Bilbil Maja dhe Jashar Maja u dërguan në spital, pas plagëve të marra, ndërkohë që policia ndërhyri me vonesë.

Për ngjarjen e rëndë janë shpallur në kërkim 5 anëtarë të fisit Rraja: Xhelal Rraja, Flamur Rraja, Klajdi Rraja, Rexhep Rraja, Përparim Rraja dhe Edison Meta. Deri më tani kanë rënë në prangat e policisë Ineidi Rraja, Eni Kullaj, Kujtim Përdaku dhe Andi Rraja. Ndërkohë gjatë të shtunës u shoqëruan personat me iniciale L. Rr., D. Rr., H. Rr dhe A. Rr./ CNA.al





Lajmet e fundit nga