web counter
LEXO PA REKLAMA!

SHKARKO APP

App Store
Google Play

E fundit!

x

Emërohet shefi i ri i Komisariatit të Kurbinit, kush zuri vendin e Dritan Metajt

11 Tetor 2023, 09:26, Aktualitet CNA
Emërohet shefi i ri i Komisariatit të Kurbinit, kush zuri vendin e
Dritan Metaj

Pas shkarkimit të Dritan Metajt si kreu i Komisariatit të Kurbinit, në këtë pozicion pune është emëruar Shkëlzen Metushi. Ky i fundit ka mbajtur postin e shefit të Shqiponjave në DVP Tiranë.

Disa ditë më parë Policia e Shtetit dhe SPAK kryen një megaoperacion antidrogë ku në pranga ra Dritan Metaj.

Aiu arrestua për veprat penale “Trafikimi i narkotikëve”, kryer në bashkëpunim në kuadër të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata krimianle dhe grupi i strukturuar kriminal”.

Sipas kreut të Policisë së Shtetit, Muhamet Rrumbullaku, Dritan Meta, ka qenë mbështetës i grupit kriminal, dhe trafikantëve të drogës, të cilët janë shpallur në kërkim nga autoritetet.

Raportohet se Metaj rezulton të ketë pasur rol të rëndësishëm në grupin kriminal të trafikut të drogës në Fushë Kuqe.

Metaj kryente rolin e transportuesit të anëtarëve kriminalë, mes tyre edhe baronin e drogës Gëzim Çelaj, duke shfrytëzuar postin e tij si komisar policie për t'i lëvizur pa i kontrolluar dhe dyshuar askush tek ata.

Nga megaoperacioni u sekuestruan rreth 23 kilogramë lëndë narkotike si dhe shuma të mëdha parash./CNA

 

 





Lajmet e fundit nga