web counter
LEXO PA REKLAMA!

SHKARKO APP

App Store
Google Play

E fundit!

x

“Banorët po nxirren jashtë në mes të dimrit”/ Këlliçi reagon sërish për shembjen e pallateve

15 Dhjetor 2022, 20:48, Aktualitet CNA

“Banorët po nxirren jashtë në mes të dimrit”/

Kandidati i PD-SË për kryetar bashkie në Tiranë, Belind Këlliçi, ka reaguar sërish për shembjen e pallateve te rruga Myslim Keta.

Në një status në rrjetet sociale, Këlliçi ka publikuar foton e njërës prej banoreve që është njoftuar të dalë nga shtëpia, e cila shihet duke qarë.

Deputeti thotë se fytyra e saj është fytyra e çdo nëne shqiptare nesër.

Ai deklaron banorët, pronarë të ligjshëm të apartamenteve të tyre, do të gjenden në qiell të hapur në mes të dimrit.

“Banorët po nxirren jashtë në mes të dimrit”/

“Nesër do të jetë nëna jote

Kjo nënë, kjo shqiptare që po dëbohet nga shtëpia e saj me pretendimin se pallati do të shembet për shkak të dëmtimeve të tërmetit, është fytyra e çdo nëne shqiptare nesër.

Një histori e përsëritur në realitetin shqiptar, ku shteti mohon shtetin.

Më 6.12.2019 shteti lëshon një shkresë ku shprehet se pallatet në rrugën "Myslym Keta" janë dëmtuar nga tërmeti, por janë të banueshme pasi nuk kanë pësuar dëmtime në strukturë.

Më 27.11.2019 (vetëm një ditë pas tërmetit) shteti lëshon një shkresë të dytë që i përshkruan pallatet si të pabanueshme.

Shteti mohon shtetin.

Është e njëjta skemë e zbatuar kudo. Priten dritat dhe uji, që banorët të detyrohen të largohen nga shtëpitë e tyre pa e ditur as ku të shkojnë dhe as ku të strehohen.

Në mes të dimrit këta banorë, pronarë të ligjshëm të apartamenteve të tyre, do të gjenden në qiell të hapur nga një shtet që mohon shtetin dhe nga ligji që nuk ekziston askund.

Ka raste kur shteti të nxjerr nga shtëpia që ke blerë me kursimet e një jete.

Isha, jam dhe do të jem në krah të banorëve si një shqiptar pranë një shqiptari.

Ne të gjithë bashkë duhet t'i themi në kohë ndal dëbimit të shqiptarëve nga shtëpitë e tyre dhe nga toka e tyre!”, thekson Këlliçi./ B.A. – CNA.al





Lajmet e fundit nga