web counter
LEXO PA REKLAMA!

SHKARKO APP

App Store
Google Play

E fundit!

x

Armand Duka në një rrëfim ndryshe, tregon detaje si gjysh dhe prind

4 Shkurt 2024, 09:35, Aktualitet CNA
Armand Duka në një rrëfim ndryshe, tregon detaje si gjysh dhe
Armand Duka

Presidenti i FSHF-së Armand Duka në një intervistë televizive ka treguar edhe detaje nga jeta familjare dhe rolin e tij si gjysh. Ai tregon se nuk ka gjysh që nuk i do nipërit dhe mbesat, pasi janë gjëja më e bukur që ndodh në jetë.

"Nuk ka gjysh besoj që nuk është i dashur me nipërit, është gjëja më e bukur që ndodh në jetë. Jeta është shumë e gjatë duhet jetuar dhe ka shumë gjëra të bukura, por kur vinë fëmijët je në një moshë të re dhe nuk i shijon aq shumë ndërsa kur vinë nipërit je në një moshë më të përgjegjshme dhe i shijon më shumë", u shpreh Duka. 

Duka foli më tej edhe për rritjen dhe edukimin e fëmijëve, ku tha se në vitet e para të jetës së tyre ka bërë mungesa, pasi më shumë është përkujdesur gruaja.

Ai tha se fëmijët e tij tashmë janë të shkolluar dhe nuk kanë zgjedhur që të jenë persona publikë.  

"Padyshim që kam pasur dëshirë që t’i edukoj mirë nuk kam pasur ndonjë tendencë që të ndikoj që të qëndrojnë larg jetës publike apo medias, por kam pasur dëshirë t’i edukoj mirë dhe nëse ja kam arritur apo jo duhet kohë ta vërtetojmë këtë, duhet ta thonë të tjerët. Kam defiçite në vitet e para të rritjes së tyre, më shumë është marrë bashkëshortja, është një nga ato gabimet që njeriu i bën me moshën. Të dy fëmijët e mi janë shkolluar, ky ka qenë objektivi im, të dy punojnë, janë mirë. Nëse zgjedhin të jenë personazhe publike është zgjedhja e tyre. Deri tani nuk kanë zgjedhur diçka të tillë, e rëndësishme është të jenë me këmbë në tokë gjithmonë", është shprehur ai./CNA  

 





Lajmet e fundit nga