web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e SPAK-ut për Berberin: Ka përfituar qindra miliona lekë nga transaksionet

14 Mars 2024, 12:12, Aktualitet CNA
Akuzat e SPAK-ut për Berberin: Ka përfituar qindra miliona lekë
Evis Berberi

Prokuroria e Posaçme ka zbardhur akuzat që rëndojnë mbi ish-kreun e ARRSH-së, Evis Berberi.

Sipas njoftimit zyrtar nga SPAK-u, Berberi akuzohet për kryerjen e veprave penale “Korrupsioni pasiv i personave që ushtrojnë funksione publike”, “Pastrimi i produkteve të veprës penale apo i veprimtarisë kriminale”, kryer në bashkëpunim, parashikuar nga nenet 259, 287/2 të Kodit Penal.

Hetimet nga SPAK-u, thonë se nga hetimi ka rezultuar se gjatë kohës kur Berberi, ka qenë nën cilësinë e titullarit të autoritetit kontraktor, Agjencia për Eficiencën e Energjisë, janë zhvilluar tri procedura prokurimi në vlerën totale 137,400,000 (njëqind e tridhjetë e shtatë milionë e katërqind mijë) lekë pa TVSH, me operator fitues shoqërinë e shtetasit V.B., “N…Group” sh.p.k. Kurse gjatë kohës kur Berberi ka qenë nën cilësinë e titullarit të autoritetit kontraktor, Autoriteti Rrugor Shqiptar, janë zhvilluar tri procedura prokurimi në vlerën totale 101,811, 343 (njëqind e një milion e tetëqind e njëmbëdhjetë mijë e treqind e dyzet e tre) lekë, pa TVSH, me fitues bashkimin e operatorëve me pjesëmarrëse shoqërinë e shtetasit V.B., “N…Group” sh.p.k.

Po ashtu, nga hetimi ka rezultuar se shoqëria “D….”sh.p.k., në zotërim indirekt të Berberit, ka përfituar të ardhura nëpërmjet transaksioneve nga shoqëria e shtetasit V.B. “N….Group” sh.p.k., në vlerën 223,480,476 (dyqind e njëzet e tre milion e katërqind e tetëdhjetë mijë e katërqind e shtatëdhjetë e gjashtë) lekë, me TVSH. / CNA

 





Lajmet e fundit nga