E fundit!

21:13 Aktualitet

“Sistemi është bllokuar”/ Akademiku Fuga: Protesta tregon se qeveria e ka humbur legjitimitetin

Akademiku Artan Fuga komentoi sot protestën qytetare kundë...

Shkëlzen Gashi shënon gol, por ekipit të tij i ndodh e papritura

22 Maj 2022, 05:55, Sport CNA

Një tragjedi sportive. Kështu mund të cilësohet ajo që ka përjetuar Shkëlzen Gashi dhe shokët e tij të skuadrës së Arau në Zvicër. Ekipi i cili kishte dominuar këtë vit Kategorinë e Dytë në Zvicër, në mënyrë të pabesueshme ka shkatërruar gjithçka me ndeshjen e fundit në shtëpi, duke u munduar e duke kaluar nga vendi i parë në të tretin për golavarazh e kështu duke mbetur jashtë zonës së ngjitjes.

Araut i nevojitej një pikë për të qenë i sigurt për vendin e parë dhe për ngjitjen matematikore në elitën e futbollit zviceran në sezonin e ardhshëm. Por në mënyrë të papritur, Vaduz shënoi dy herë në ndeshjen e fundit të sezonit, duke ngrirë tifozët e pranishëm që kishin shkuar për festë. Trajneri i Araut aktivizoi Gashin në minutat e fundit dhe ky kishte kohën që të shënonte nga pika e bardhë e penalltisë për të shkurtuar diferencën.

Por as ai dhe as shokët e skuadrës nuk gjetën golin e barazimit dhe ndeshja e festës u kthye në një makth. Vintertur dhe Shafhauzen fituan duke e arritur në kuotën e 65 pikëve, duke bërë që kampionati të vendosej nga golavarazhi. Vintertur kishte bilancin më të mirë e siguroi ngjitjen direkte, me Shafhauzen që do të shkojë në “play off”. Ndërsa Arau, në mënyrë të pabesueshme përfundoi në vendin e tretë dhe do të vazhdojë të qëndrojë në Kategorinë e Dytë zvicerane.