web counter
LEXO PA REKLAMA!

SHKARKO APP

App Store
Google Play

Gega jep sinjale lamtumire: Më vjen keq për këtë qytet, do flas me presidentin për të ardhmen

5 Maj 2022, 12:18, Sport CNA

Skënderbeu mposhti dje Kastriotin me rezultatin 2-0, ndërsa pas ndeshjes ka folur trajneri Skënder Gega duke bërë të qartë se po mendonte largimin nga skuadra në fund të edicionit.

“Erdha te Skënderbeu për këtë moment të vështirë, erdha me dëshirë, doja të kontribuoja që ky klub e qytet të mbijetojë. Por gjërat u rrokullisën, me presidentin Takaj kemi afrimitet, jemi të hapur, të shohim. Duam të përfundojmë ndeshjet, të jemi të qetë, edhe unë kam projekte, kam hapur akademi, dua të shoh investimin që kam bërë.

E kam thënë që është profesion që nuk kam kompleks që të punoj në çdo lloj kategorie, por gjërat duhet të shkojnë paralelisht. Unë do e mbyll misionin tim në ndeshjen e fundit, do të bëjmë analizë, do të shohim me qetësi e dashamirësi, pa hequr pjesën e gjykimit. Unë nuk kam lindur trajner, jam bërë. As nuk kam lindur kampion, jam bërë.

Më vjen keqardhje për këtë qytet, kush ka ardhur në Korçë e di që është shembull për mirë dhe më vjen keq që gjithë këto fusha nuk do të kenë interesin dhe zbrazëtinë që nuk duhet ta ketë një klub si Skënderbeu. Vetëm në ndeshjen e fundit do të ulemi me presidentin dhe do të flasim me qetësi, do të kontribuojmë në të gjithë mënyrat që gjërat të shkojnë mirë. Duhet të jemi shembull.”





Lajmet e fundit nga