web counter
LEXO PA REKLAMA!

SHKARKO APP

App Store
Google Play

Covid-19/ A janë njerëzit me imunitet të kompromentuar burimi i varianteve?

5 Maj 2022, 13:51, Lifestyle CNA

Nga Blerta Brati, mjeke mikrobiologe ne ISHP

(Thuhet se një person është me  imunitet  të kompromentuar, kur sistemi i tij imunitar nuk është më në gjendje të përballet siç duhet me patogjenët si bakteret, viruset, parazitët apo edhe agjentët toksikë. Personi mund te ketë një imunitet te tillë si pasoje e HIV psh, semundjeve autoimune, neoplazive, apo marrjes se imunosupresoreve per arsye# medikale)

#Si evoluon SARS-CoV-2 në variante të ndryshme, gjithnjë e më ngjitëse?

Një studim britanik, i cili së fundmi zbuloi se infeksioni më i gjatë zgjati 505 ditë, sugjeron rolin e pacientëve me imunitet të kompromentuar, si burim i varianteve,  për shkak të qëndrueshmërisë së virusit në organizmin e tyre.

#1.Në pacientët me imunitet të kompromentuar, shkencëtarët kanë vëzhguar shfaqjen e disa mutacioneve të virusit gjatë infeksionit.

#2.Një mutacion nuk është një variant, por i lejon virusit të testojë ndryshimet në vetvete tek një pacient.

#3. Mutacionet e vërejtura më pas u gjetën në variantet që u shfaqën gjatë pandemisë.

#4. “Këto variante mund të kenë arritur të evoluojnë tek individët me imunitet të kompromentuar, pasi virusi ishte në gjendje të qëndronte mjaftueshëm për ta arritur këtë.”- sipas studiuesve.

#”Ndaj është thelbësore të zhvillohen strategji të reja terapeutike për këta pacientë në mënyrë që të eliminohet infeksioni sa më shpejt të jetë e mundur. Kjo mund të parandalojë shfaqjen e varianteve të reja.”





Lajmet e fundit nga