web counter
LEXO PA REKLAMA!

SHKARKO APP

App Store
Google Play

E fundit!

x

Pogba e vendos, zbulohet klubi ku dëshiron të transferohet

4 Maj 2022, 09:53, Sport CNA

Ka disa kohë që Paul Pogba nuk e ka më mendjen te Manchester United, klub me të cilin ka kontratë deri më 30 qershor. Gjashtë vitet që kaloi te ?Djajtë e Kuq? mund të konsiderohen si zhgënjyese për mesfushorin.

I lirë për të negociuar me kë dëshiron vetë ai, francezi dëshiron të kthehet në shtëpi dhe të luajë për Paris Saint-Germain. Sipas raportimeve nga mediet britanike, lojtari u ka thënë njerëzve të afërt se preferencë e tij për të ardhmen është skuadra parisiene.

Largimi i mundshëm i Paredes nga PSG-ja, u hap dyert parisienëve për 29-vjeçarin, pasi klubi e ka të nevojshëm përforcimin në mesfushë dhe Pogba prej kohësh ka qenë një nga të preferuarit e tyre.

Megjithatë, tashmë duke ditur dëmtimet që francezi ka pasur së fundmi, ato bëhen një pengesë për të, pasi skuadrës së Pochettinos i duhen lojtarë produktivë më shumë se emra të mëdhenj, sepse kur bëhet fjalë për ?yje? është plot, por pavarësisht kësaj ecuria në Champions League ishte shumë zhgënjyese, ku u eliminua që në raundin e 1/16-ave nga Real Madridi.

Paul Pogba luajti minutat e tij të fundit me fanellën e Manchester United në ndeshjen e 19 prillit kundër Liverpool-it, ndërsa gjatë gjithë sezonit ka marrë pjesë në 20 ndeshje të Premier League dhe në to ka shënuar 1 gol dhe ka dhënë 9 asiste.





Lajmet e fundit nga