web counter
LEXO PA REKLAMA!

SHKARKO APP

App Store
Google Play

Skandal-Ngërç dhe kosto për pacientët e Onkologjikut/ Si po detyrohen të shkojnë tek privati

25 Prill 2022, 10:53, Lifestyle CNA

Tre të hëna pushim, kanë sjellë ngërç dhe kosto të lartë për pacientët me kimioterapi që ndiqen në spitalin Onkologjik në QSUT.

Para çdo cikli kimioterapie, një ditë para, keta pacientë u duhet t’u nështrohen disa analizave të rëndësishme për të vlerësuar gjendjen shëndetësore, të tilla si analizat biokimike, për të vlerësuar funksionin e mëlçisë, funksionin renal, trombocitet, etj.

Në rast se këto parametra nuk janë në normë, bëhet shtyrja e trajtimit. Pra është një procedurë që e bën të domozdoshme kryerjen e këtyre analizave, por në këto kushte, këta pacientë u duhet t’u drejtohen klinikave e spitaleve private.

Këta analiza në një klinikë private shkojnë rreth 30-40 mijë lek të vjetra, ndërsa përsëritja e tyre për tre të hëna radhazi, mund t’u kushtojë një pension të plotë apo edhe një rrogë, pa marrë parasysh kostot e tjera që ka ardhja nga rrethet në Tiranë për ata që jetojnë larg.

Kujtojmë që e diela e Pashkëve Katolike, e diela e Pashkëve Ortodokse dhe 1 maji, Dita Ndërkombëtare e Punëtorëve që përkon sërish e dielë, janë festa zyrtare në vendin tonë që konvertohen në ditë pushimi, ditën e hënë./E.T-CNA.al





Lajmet e fundit nga