web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu gati për sfidën me Teutën, ja çfarë e shqetëson Gegën

1 Prill 2022, 09:46, Sport CNA

Skënderbeu është duke përgatitur ndeshjen e radhës ndaj Teutës, me një impenjim të veçantë dhe ekstra, të kërkuar nga ana e Skënder Gegës. Duke parë ditët e shumta në dispozicion për të përgatitur këtë takim, numri një i pankinës bardhekuqe ka vendosur që të fusë të gjithë mendësinë e tij tek ekipi dhe lojtarët.

Pas javës së parë ku Gega ka shtrydhur të tijtë në këto ditë përgatitjesh, trajneri po kërkon të zgjidhë edhe problemet tekniko-taktike të skuadrës. Vendosja tashmë ka ndryshuar dhe gjithçka është lënë në ?dorë? të rreshtimit 4-3-2-1 rreshtim ky i cili po ngulmohet gjithnjë e më shumë nga ana e trajnerit.

Në provën e djeshme, duket se Gega ka marrë përgjigjet e duhura nga ekipi dhe tashmë e ka të qartë qasjen që do t?i bëjë takimit ndaj Teutës, por edhe formacionit që do t?i besojë nga minuta e parë.

Duket se gjithnjë e më shumë trajneri i Skënderbeut është i vendosur t?i besojë dyshes së formuar nga Mara dhe Berisha në mbështetje të Pusit në majë të sulmit. Kjo pak a shumë është kuptuar nga kërkesat që trajneri ka pasur me lojtarët e tij.

Gega ka qenë i qartë dhe i prerë kur ka kërkuar qarkullim të dendur të topit, aksione të rrjedhshme dhe mbi të gjitha përqendrim në finalizim. Për këtë trajneri ka mbajtur ekipin për shumë minuta në tranzicion negativ duke kërkuar goditjen e kuadratit.

Treshja e avancuar e mbështetur edhe nga Moraesh e vënë në pozita të ndryshme goditëse përballë treshes së mbrojtjes që duket e plotësuar në pjesën më të madhe të repartit, përjashto vetëm krahun e djathtë ku mungesa e Randit dhe Frashërit i kanë prishur punë trajnerit.





Lajmet e fundit nga