web counter
LEXO PA REKLAMA!

SHKARKO APP

App Store
Google Play

E fundit!

x

Frashëri iu jep zemër korçarëve: Kemi edhe 10 finale, nuk dorëzohemi

23 Mars 2022, 07:10, Sport CNA

Skënderbeu nuk mori rezultatin maksimal ndaj Kukësit, por ky barazim duket se ka mbajtur lart moralin te bardhekuqtë edhe për faktin se loja ishte deri diku e kënaqshme. Pikërisht kjo lojë duhet të shërbejë si pikënisje për dhjetë takimet e mbetura, sidomos dy ndeshje direkte që do të jenë shumë përcaktuese. I këtij mendimi është edhe mbrojtësi korçar i Skënderbeut, Erlis Frashëri. Ai thekson se goli i shpejtë i pësuar mund të vriste cilindo ekip që do të ishte në pozitat e Skënderbeut, prandaj vlerëson shpirtin e garës së ekipit të tij.

?Ishte një ndeshje të cilën e donim ta fitonim dhe për këtë e kishim përgatitur takimin mjaft mirë. Kemi bërë thuajse gjithçka mirë në anën defensive, çka e tregon edhe fakti se një ekip cilësor si Kukësi nuk na rrezikoi shumë. Na goditën në momentet e para të lojës dhe vetëm kaq. Por më i rëndësishëm ishte reagimi që pati ekipi në lojë pas golit të pësuar. Kemi marrë kontrollin e lojës duke pasur shumë raste për shënim. Arritëm të barazonim me fillimin e pjesës së dytë, por nuk mundëm dot të merrnim tri pikët pasi na mungoi goli i fitores. Në të tilla kushte që ndodhet ekipi në renditje është një ngarkesë e shtuar emocionale që të bllokon. Por jemi munduar të mbajmë larg presionin dhe ngarkesat negative duke u munduar të jemi sa më të qetë dhe të kthjellët?, u shpreh Erlis Frashëri.

MBIJETESA ? Përtej lojës së mirë dhe pikës së marrë me Kukësin duket se pozita e Skënderbeut në renditje është rënduar akoma dhe më shumë. Tashmë 8 pikë larg vendit të tetë janë një peshë e rëndë për një ekip të ri siç është Skënderbeu. Por për Frashërin ende nuk ka mbaruar asgjë: ?Vendi i fundit është një pozicion që të zhyt nga ana psikologjike, ndaj dhe për këtë duam që të largohemi sa më shpejt. E dimë që pas kësaj jave diferenca me ekipet rivale është thelluar, por asgjë nuk ka mbaruar, për këtë jemi të bindur. Janë akoma 30 pikë në lojë dhe dhjetë ndeshje për t?u luajtur. Do të jenë të dhjeta finale, prandaj jemi të vendosur që në të gjitha këto ndeshje të japim maksimumin. Të mos harrojmë se si Kastriotin ashtu edhe Egnatian në fazën e katërt i presim në shtëpi?, përfundoi mbrojtësi korçar i Skënderbeut, Erlis Frashëri.





Lajmet e fundit nga