web counter
LEXO PA REKLAMA!

SHKARKO APP

App Store
Google Play

VIDEO/ Me numrin 10-të mbi shpinë, talenti i Shpresave gjen rrugën e rrjetës në “derbin” ndaj Grezdës

11 Mars 2022, 19:30, Sport CNA

Eros Grezda dhe Indrit Tuci ishin protagonist në duelin mes Sibenikut dhe Lokomotivës së Zagrebit,takim ky i vlefshëm për javën e 27-të të elitës së futbollit kroat, që përfundoi me rezultatin 1-4 në favor të skuadrës nga kryeqyteti.

Të dy futbollistët shqiptarë gjetën rrugën e rrjetës në përballjen e sotme në këtë ndeshje ?derbi? mes tyre. Titullar në këtë duel u aktivizuan edhe Mersinaj dhe Sahiti, ndërkohë që Salihu dhe Smakaj e ndoqën duelin nga stoli.

Fillimisht Grezda në minutën e 14-të, kaloi në avantazh Sibenikun. Pjesa e parë u mbyll me rezultatin 1-0 në favor të vendasve. Në minutën e 46-të, Grezda u zëvendësua, ndërkohë që Lokomotiva arriti të realizonte plot 4 herë në portën e Sibenik.

Në minutën e 57-të, në fushën e lojës për skuadrën nga kryeqyteti u hodh dhe sulmuesi i talentuar shqiptar, Indrit Tuci, që tundi rrjetën në minutën e 86-të, duke vulosur përfundimisht shifrat në 1-4. Ky ishte goli i parë për 21-vjeçarin, i cili është pjesë e Kombëtares Shpresa. Vlen të theksohet fakti se Tuci mban fanellën me numrin 10 te skuadra e Lokomotivës së Zagrebit. Sulmuesi i talentuar shpreson që të shndërrohet në protagonist te ky klub, ku e ardhmja e tij pritet të jetë tepër e ndritur.

 





Lajmet e fundit nga