web counter
LEXO PA REKLAMA!

SHKARKO APP

App Store
Google Play

"Nuk dua të bëhem barrë për askënd", Memelli surprizon me deklaratën

8 Mars 2022, 18:32, Sport CNA

Skënderbeu pësoi një tjetër humbje, kësaj radhe përballë Dinamos në shtëpi, në javën e 24-të të ?Abissnet Superiore?. Në një intervistë për ?Super Sport?, tekniku i korçarëve, Migen Memelli, nuk e fshehu dot zhgënjimin për këtë humbje.

Situata nuk është e mirë, çdo kush e kupton që po vuajmë. Kishim punuar me një manovër në fazën mbrojtëse. Nuk më vjen keq që humbëm, më vjen keq që pësuam golin aty ku kishim punuar më tepër. Gjërat u vështirësuan. Që nga fillimi i sezonit e deri tani skuadra nuk ka qenë asnjëherë të plotë. Përsëri kishim një lojtar jashtë. Kur trajneri nuk e ka skuadrën e plotë, gjërat vështirësohen dhe për ekipin.

Megjithatë po theksoj se sot që unë jam një njeri që nuk dua të bëhem barrë për askënd. Do të bisedoj me presidentin, sepse situata nuk është e mirë, që ti hapim rrugën dikujt tjetër. Të vijë të bëjë një punë, sepse dhe lojtarët e shikoj që janë pak të ngarkuar dhe kur situata dhe rezultate nuk janë të mira, ai që paragjykohet dhe goditet i pari jam unë.

Në këtë këndvështrim dua ta mbyll këtë deklaratë, ju lutem të më mirëkuptoni. Do të bisedojmë ditën e nesërme, që të qetësohemi një herë dhe të dalim me një vendim që është më i miri për të dyja palët.





Lajmet e fundit nga