web counter
LEXO PA REKLAMA!

SHKARKO APP

App Store
Google Play

E fundit!

x

Pushtimi nga Rusia/ Ambasadori i Ukrainës jep detaje: Në Shqipëri kanë ardhur disa familje me fëmijë

5 Mars 2022, 17:02, Aktualitet CNA

Ambasadori i Ukrainës Volodymyr Shkurov zbulon se disa familje me fëmijë, kanë mbërritur tashmë në Shqipëri, pasi lanë vendin e tyre si pasojë e luftës.

Ndërsa shpreh mirënjohje për ndihmën e menjëhershme që Shqipëria I dha Ukrainës, Shkurov tregon se çfarë i kërkoi qeverisë shqiptare, menjëherë pasi Rusia nisi bombardimet atje.

?Së pari u jemi drejtuar qeverisë shqiptare me kërkesën e mbylljes se hapësirës ajrore për transportuesit ajrorë rus. Reagimi nga autoritetet shqiptare ishte i menjëhershëm. Dhe jemi shumë mirënjohës për këtë. Pothuajse kemi përfunduar punën me qeverinë shqiptare për sa i përket prezantimit për një regjim të thjeshtuar për refugjatët ukrainas, të cilët tashmë kanë filluar të vijnë në Shqipëri. Paralelisht kemi patur adresime, dhe ata vazhdojnë të shfaqen, kryesisht  kanë të bëjnë me pozicionimin e Shqipërisë në arenën ndërkombëtare, dhe në radhë të parë në kuadër të kryesimit në Këshillin e Sigurimit të OKB-së, ku ne drejtohemi për votimin e rezolutave të ndryshme, për çështjet e sovranitetit dhe integritetit territorial të Ukrainës. Mbështetja ka qenë e menjëhershme. Kemi komunikime me të gjithë përfaqësuesit e lartë të Shqipërisë. Përgjigjet si edhe reagimi kanë qenë të menjëhershme, shumë të shpjeta.

Tani në Shqipëri ata ende nuk janë të shumtë në numër. Sot kam marrë informacione, se disa familje me fëmijë kanë mbërritur tashmë në Shqipëri. Në fazën e përpunimit është dakordësuar për disa apartamente për banim, është krijuar një sistem. Na janë drejtuar përfaqësuesit e shoqërive civile me disa propozime. Dhe aktualisht janë marrë rreth 1000 propozime për sa i përket strehimit të popullit ukrainas?, tha ambasadori i Ukrainës në Shqipëri./E.K-CNA.al





Lajmet e fundit nga