web counter
LEXO PA REKLAMA!

SHKARKO APP

App Store
Google Play

E fundit!

x

“Ballkani i hapur” si një zgjatim i rus në Rajon/ Tritan Shehu akuza të forta Ramës

4 Mars 2022, 11:07, Politikë CNA

Deputeti demokrat, Tritan Shehu ka akuzuar kryeministrin Edi Rama se po ndihmon Rusinë në luftën e Ukrainës, duke vazhduar projektin ?Open Ballkan?.

?Rama ?de facto? ndihmon Rusine per ?zbutjen? e sanksioneve.

Vazhdimi prej tij i projektit të Vuçiçit, ?Ballkan i Hapur?, që krijon një ?kanal? tregtar e politik të Rusisë, së paku drejt Ballkanit duke anashkaluar sanksionet, direkt apo indirekt i godet ato, pavarësisht dimensioneve të kësaj.

 Sepse Serbia është pjesë e Unionit EuroAsian të Moskës, se bashku dhe me Bjellorusinë, Kazakistanin, Armeninë e Kizigistanin.

 Ndërkaq Serbia hedh poshtë çdo mundësi për pranimin e sanksioneve ndaj Rusisë, të vendosura nga bota Demokratike.

Ky është një qëndrim konkret, real i saj, që nuk mund të fshihet mbas lojëra fjalësh e as me gjysëm apo çerek miratime të ndonjë resolutë të përgjithshme, siç ishte ajo e OKB.

 Sot Serbia, siç u theksua edhe në Rezolutën e PE, po largohet nga Europa për të shkuar në Lindje?, shkruan Shehu në rrjete sociale.

Sipas Shehut, ?Ballkani i hapur? si një zgjatim i rus në Rajon nëpërmjet Serbisë, në këto kushte rrezikon të përdoret nga Rusia edhe për të zbutur sanksionet ndaj saj, pavarësisht aspektit sasior.

?Kjo nismë e Serbisë e krijuar si sfumuese e projekteve të BE, për të konsoliduar hegjemoninë ekonomike e politike të Beogradit në Rajon, dëmtuese edhe e zhvillimit tonë ekonomik, po merr aktualisht një aspekt edhe më të rrezikshëm politik për ne.

 Ndërpreja e menjëhershme e çdo marrëdhënie me këtë nismë përçarëse për Rajonin e shqiptarët, do të ishte një veprim pozitiv, qoftë dhe për të parandaluar futjen e Shqipërisë në implikime të mëtejshme dëmtuese politike, apo frenime të procesit të integrimit europian?, shkruan më tej Shehu./CNA.al





Lajmet e fundit nga