E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Olsi Ramës s'i del inati me Jorgjin: Nuk vuri mend nga "shpulla"

1 Mars 2022, 06:43, Sport CNA

Drejtoti i Partizanit, Olsi Rama, ka akuzuar përsëri gjyqtarin Enea Jorgji si të njëanshëm në vendimet që merr kundër klubit të tij. Në një lidhje direkte me studion e ?Rubrika Sportive?, Rama ka theksuar se vendimet e gabuara të tij, tashëm ishin të dukshme si kundër Partizanit dhe e shqetësonte fakti se edhe VAR nuk kishte ndërhyrë për të ndryshuar situatën.

?Më habit rasti i Skukës në fillim. Për çfarë do të ndërhyjë VAR-i nëse jo për një kontakt? Arbitri në këtë rast i ka pohuar një prej pjesëtarëve të stafit që ka qenë simulim. Nëse do të ishte simulim, do ishte karton për Skukën. Duket që ka kontakt, që bëhet me këmbën brenda zonës, edhe sipër vizës është pjesë e zonës. Kështu që patjetër që Jorgji duhet ta vlerësonte kështu. Jam dakord që ishte në distancë dhe kam rezerva edhe në aspektin e përgatitjes, se ishte në fillim të ndeshjes. Duhej të ishte më afër aksionit, por në mënyrë absolute, VAR-i duhet të ndërhynte. Pastaj nëse VAR ndërhyn e Jorgji thotë e kam parë unë, është gjë tjetër.

Ka një problem me sistemin se ne si klub tentojmë të përmirësohemi dhe jemi në errësirë me vendimmarrjen, me raportet që dërgohen në Federatë nga vëzhguesit, raportet e arbitrave. Asnjëherë nuk marrim informacion. Në Ligat më të mira gjërat bëhen publike, si në La Liga ku komunikimi me VAR është i njohur. Jemi jashtë edhe sa i përket sanksioneve nga komisionet e arbitrave, që mund të merren ndaj tyre.

Nuk e kisha të qartë rastin e dytë nga pozicioni ku isha, se këtë kontaktin me gju, mendova se kapi topin Bardhi e pastaj goditi Skukën. Mendoj se jorgji duhej të ishte treguar edhe më inteligjent, mjaftonte të shihte reagimin e Bardhit dhe e kuptonte se ka pasur një goditje. Derisa vritet gjuri në shpinën e sulmuesit.

Penalltia? Mendoj se nxitimi i Jorgjit është për të dhënë penallti, se është qartësisht larg, se nuk është centimetra. Kontakti i Muratajt nis te harku, i fundit është shkelja dhe është një metër larg zonës. Është i çuditshëm. Mbase-mbase, po të marrësh penalltinë që dha kundër Vllaznisë ku qëndroi një minutë e gjysmë, mund të them që tani i duhej të nxitonte për të marrë një vendim në disfavor të Partizanit. Jam shumë i zhgënjyer.

Ju mbajeni si arbitrin më të mirë, mbajeni me shëndet, se edhe ai mbase me këtë mendim fluturon e nuk ia ka idenë ça është arbitrimi. Me sa e pashë, ka drejtuar ndeshje ndërkombëtare U19 të Juventusit dhe nuk është e jashtëzakonshme që të mbahet çfarë ka arritur. Ndërkohë që karriera e tij është ndër më të njollosurat me histori, me atë të Kukësit e Skënderbeut. Dihet historia e fakti është që vazhdon të arbitrojë.

Kur rriten fëmijët thonë me një shpullë vënë mend, por ky me sa duket nuk ka vënë mend, dhe vazhdon me idenë që është mbi lojën. E kam fjalën për një shpullë në opinionin publik. Ne jetojmë për atë që do të lëmë pas në imazh e emër, jo çfarë na thotë dikush për momentin. Fryma e protagonizmit të tij lë shumë për të dëshiruar.

Gjyqtarët shqiptarë duan të jenë protagonistë dhe shihet nga si mbajnë kartonin, si vrapojnë, Kam të drejtë kur them se në fund bëhen protagonistë për rezultatin final. Ne vazhdojmë e diskutojmë e themi pse nuk ndërhyri, mund të ketë ndërhyrje VAR e ne i biem në qafë kot. Ky mund të ketë thënë ?I kam parë unë?. Se ky ka autoritetin se është i FIFA-s.

Unë shpresoj që gjëra të tilla të mos ndodhin më. Do të ndodhin, por të jenë me mirëbesim, të mos jenë të qëllimshme, Muhabeti është të minimizojmë e të bëjmë sa më të pakta.

Shumë vendime të VAR në favor të Partizanit? Tregon se arbitrat në fushë kanë sy armiqësor dhe më thoni pse? Se jemi klub i madh, sillemi në mënyrë të respektueshme dhe në fushë jemi ndër më të mirët, të sjellshmit e paraqitshmit. Ne shohim polemika edhe në botë, ishte Milan-Udineze ku u dha goli me dorë e dolën më pas dhanë shpjegimin që VAR nuk kishte pamjet në kohë reale ku dukej, kurse ne dalim e flasim po nuk ka shpjegime. Mos harrojmë që një vendim për pozicion jashtë loje merret me sekonda, këtu bën 2-3 minuta për një pozicion që duhet të jetë për një pozicion jashtë loje që duhet të jetë gjysmë automatik. Jemi mbrapa po shyqyr që jemi. E vetmja ndrojtje është që nuk dua që të hyjmë në qorrsokakun e fillojmë me instrumentalizimin e VAR-it se një ndeshje kontrollohet më kollaj me praninë e VAR-it se sa pa VAR-in?, tha Rama.