E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

“Mendoi se njerëzit do e prisnin me lule”/ Ngjela tregon gabimin e rëndë që bëri Vladimir Putin

1 Mars 2022, 17:12, Aktualitet CNA

Avokati Spartak Ngjela ka komentuar situatën mes Ukrainës dhe Rusisë.

Ngjela tha se nuk e priste një gabim kaq të rëndë nga pala ruse dhe se 6 ditë sulme nuk mjaftojnë që ajo të quhet fituese pasi është ndeshur me rezistencë të fortë të popullit atje dhe BE, NATO dhe vende të tjera i kanë ofruar mbrojtje.

Sipas tij Putin mendonte se njerëzit do e prisnin me lule por një gjë e tillë nuk ndodhi, pasi bëhet fjalë për dy kombe të ndryshme dhe ukrainasit njihen historikisht si njerëz ushtarakë dhe të guximshëm.

Ngjela tha ndër të tjera se nëse merren qytetet e mëdha të Ukrainës do të jetë një luftë e pambarimtë ose do të ketë një tërheqje të Rusisë që pasohet me rrëzimin e Putin dhe kosto të tjera shumë të larta për vendin.

?Nuk mund të kisha një mendim të prerë por nuk ma merrte mendja që rust do të gabonin kaq rëndë. Duhet të keni parasysh një gjë, popujt kur luftojnë për nderin e tyre nuk mposhten aq kollaj sa mendohet. Heminguej na ka thënë vetëm kur kemi humbur e kuptojmë se ç?është lufta.

E di që do vijojë, Rusia ndihet e izoluar dhe sot e patë se si dolën të gjithë nga mbledhja, e lanë vetëm ministrin e jashtëm në fjalën e tij. Ka një goditje të rëndë ndaj Rusisë.

Ukraina është në luftë, por është në mbrojtje të plotë, Rusia nuk pushton dot. Unë mendoj që nga shenjat kuptohet se Rusia nuk e pushton dot, dhe po e bëri ka faturë shumë të madhe, asnjë qytet të madh nuk ka marrë ende. Ata menduan se do ti prisnin me lule, problem qëndron se kombet janë të ndarë. Ukrainasit kanë histori shumë të lavdishme në luftërat e tyre, janë popull ushtarak?, tha ai.

Ngjela shtoi se Putin nuk mendoi për Rusinë por për pushtetin e tij.

?Ai nuk mendoi për Rusinë por për pushtetin e tij, i kishin rënë aksionet. Harroi që ato ngrihen menjëherë nëse ti tregon heroizëm, siç po bën Zelynsky. Presidenti ukrainas krijoi frymën e heroizmit. Janë dy konkurrentë të fatit, i Rusisë dhe i Putinit.

Tërheqja e Putin varet se sa e fortë do të jetë Ukraina, nga sjellja kuptoj se presidenti i Ukrainës është shumë optimist, ai diçka di.

6 ditë, a janë test për të ardhmen e kësaj lufte? Në një optikë normale po, sepse askush nuk e mendonte një rezistencë të tillë. Ka ndodhur që popujt i kanë pritur me lule, ideologji por nuk ndodhi kshu. Rusia nuk e fiton dot luftën.

Nëse bien qytetet e mëdha atëherë është luftë pafund. Shenjat janë të përhershmet, do ta fitojë karrierën apo do të rrëzohet. Është rast identik me Millosheviçin sepse e njëjta gjë ndodh dhe sot.?/E.T-CNA.al