E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Kapet autori i vrasjes së 46 vjeçarit në Vlorë dhe bashkëpunëtori i tij/ Sekuestrohet sasi droge

26 Shkurt 2022, 08:56, Kronika CNA

Policia ka bërë të mundur kapjen e autorit të dyshuar për vrasjen e shtetasit A.A, 46 vjeç në Vlorë, i cili u gjet i pajetë në banesën e tij.

Pas një sërë hetimesh është vënë në pranga, SH.A 23 vjeç, i cili rezulton me precedentë të mëparshëm penalë në fushën e narkotikëve dhe vjedhjes.

Gjithashtu në pranga ka përfunduar dhe bashkëpunëtori i tij në krim, shtetasi M.K 30 vjeç, i cili dyshohet se ka ndihmuar autorin për t?u fshehur, duke i siguruar një mjet të marrë me qira për lëvizjen e tij.

Policia ka seksuetruar edhe një sasi droge të llojit heroinë, që posedonte autori i dyshuar i vrasjes.

Njoftimi i policisë

Finalizohet me sukses operacioni policor i koduar ?NDËSHKIMI?.

Identifikohet, kapet dhe vihet në pranga autori i dyshuar i vrasjes me armë zjarri të 46 vjeçarit, ngjarje e ndodhur më datë 19.02.2022, në lagjen 24 Maji, Vlorë.

Vihet në pranga edhe një shtetas tjetër për përkrahje të autorit të krimit. Gjithashtu sekuestrohet një sasi lënde narkotike, e dyshuar Heroinë.

Strukturat Hetimore të Drejtorisë Vendore të Policisë, Vlorë në bashkëpunim me Prokurorinë e Rrethit Gjyqësor Vlorë, si rezultat i hetimeve të thelluara dhe punës profesionale të kryer, bënë të mundur identifikimin e autorit të dyshuar të ngjarjes.

Bazuar në provat e grumbulluara, Strukturat e Drejtorisë Vendore të Policisë Vlorë, në bashkëpunim me strukturat e Drejtorisë Vendore të Policisë Fier, nën drejtimin e Prokurorisë së Rrethit Gjyqësor Vlorë, organizuan dhe finalizuan me sukses operacionin policor të koduar ?NDËSHKIMI?.

Në kuadër të operacionit u bë e munduar kapja dhe ndalimi i shtetasit Sh.A., 23 vjeç, banues në Kolonjë, Lushnje, me preçedent të mëparshëm kriminal në fushën e narkotikëve dhe të vjedhjes.

Gjithashtu u bë arrestimi në flagrancë i shtetasit M.K., 30 vjeç, banues në Kolonjë, Lushnje, për veprën penale ?Përkrahja e autorit të krimit?,

Shtetasi Sh.A., dyshohet si autor i vrasjes se shtetasit A.A., i cili u gjet pa shenja jete në banesën e tij, ndërsa shtetasi M.K., dyshohet se ka ndihmuar autorin për t?u fshehur, duke i siguruar një mjet të marrë me qira për lëvizjen e tij.

Në momentin e ndalimit shtetasit Sh.A., iu gjet dhe iu sekuestrua në cilësinë e provës materiale 40.5 gram lëndë narkotike e dyshuar e llojit heroinë.

Vazhdojnë veprimet hetimore për të përcaktuar motivet e këtij krimi të rëndë, si dhe për identifikimin e personave të tjerë, që mund të jenë të implikuar në këtë ngjarje.

Materialet u referuan në Prokurorinë pranë Gjykatës së Shkallës së Parë Vlorë për veprat penale “Vrasje me dashje”, “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikëve” dhe ” Përkrahja e autorit të krimit”./CNA.al